کراچی ، نیشنل سٹیڈیم کا 10 فیصد عملہ کورونا کا شکار

ملازمین کے ٹیسٹ 2 روز قبل لیے گئے،عملے کو آئسولیٹ کردیا، پی ایس ایل اور گراؤنڈ کے کام جاری رہیں گے: ترجمان پی سی بی

ذیشان مہتاب جمعرات 20 جنوری 2022 16:28

کراچی ، نیشنل سٹیڈیم کا 10 فیصد عملہ کورونا کا شکار

لاہور (اردو پوائنٹ تازہ ترین اخبار ۔ 20 جنوری 2022ء ) نیشنل سٹیڈیم ،کراچی کا 10فیصد عملہ کورونا وائرس کا شکار ہوگیا ہے۔ ترجمان پاکستان کرکٹ بورڈ (پی سی بی) کا کہنا ہے کہ ملازمین کے ٹیسٹ 2 روز قبل لیے گئے تھے۔ پی سی بی کے ترجمان کا یہ بھی کہنا ہے کہ کورونا مثبت آنے والے عملے کو آئسولیٹ کردیا گیا ہے۔ انہوں نے کہا کہ پاکستان سپر لیگ (پی ایس ایل) اور گراؤنڈ کے کام جاری رہیں گے۔

(جاری ہے)

خیال رہے کہ پی ایس ایل کے سربراہ عثمان و اہلیہ اور سینئر افسر عون زیدی کا بھی کورونا ٹیسٹ مثبت آنے کے بعد دونوں 10 روزہ آئسولیشن میں ہیں۔ کوئٹہ گلیڈی ایٹرز کے 5 غیر ملکی پاکستان آنے سے قبل کورونا کا شکار تھے اب کپتان سرفراز احمد کی والدہ اور اہلیہ بھی کورونا سے متاثر ہیں۔