
سعودی اقاموں اور ویزوں میں مفت توسیع سے پاکستانی بھی فائدہ اٹھا سکیں گے
توسیع کا فائدہ پاکستان ، بھارت اور افغانستان سمیت 17 ممالک کے شہریوں کو ہوگا ‘ محکمہ پاسپورٹ کے دفاتر اور سعودی سفارتخانوں یا قونصلیٹ جانے کی ضرورت بھی نہیں ہوگی ۔ سعودی محکمہ پاسپورٹ کا بیان
ساجد علی
بدھ 26 جنوری 2022
13:59

(جاری ہے)
بتاتے چلیں کہ سعودی عرب کے محکمہ پاسپورٹ نے 24 جنوری کو ایک شاہی فرمان کی منظوری کے بعد خود کار سسٹم کے تحت اقاموں اور خروج و عودہ ویزوں میں 31 مارچ 2022ء تک توسیع شروع کردی ہے ، اس توسیع کے لیے تارکین یا ان کے سپانسرز کو محکمہ پاسپورٹ کے دفاتر سے رجوع کرنے اور سعودی سفارتخانوں اور قونصلیٹ جانے کی ضرورت بھی نہیں ہوگی بلکہ یہ تمام کام نیشنل انفارمیشن سینٹر کے تعاون سے محکمہ پاسپورٹ کے خود کار نظام کے تحت مفت کیا جارہا ہے۔
علاوہ ازیں سعودی عرب سے ملازمین کیلئے اچھی خبرہے کہ اب آجر براہ راست کسی غلطی پر ملازم کو برطرف نہیں کرسکتا بلکہ ملازم کو تحقیقاتی پینل کے متفقہ فیصلے سے ہی برطرف کیا جا سکتا ہے۔ سعودی گزٹ کی ایک رپورٹ سے معلوم ہوا ہے کہ سعودی عرب کے جاب ڈسپلن قانون کے ایگزیکٹیو ریگولیشنز میں یہ طے کیا گیا تھا کہ کسی ملازم کو تادیبی اقدامات کے تحت ملازمت سے برطرف کرنا اس کمیٹی کے متفقہ فیصلے پر مبنی ہوگا جو اس کے خلاف الزامات کی تحقیقات کے لیے تشکیل دی گئی ہے ۔ ایگزیکٹو ریگولیشنز کے مطابق ایک چار رکنی تحقیقاتی کمیٹی ہونی چاہیے، جس میں ایک چیئرمین اور تین اراکین شامل ہوں، جس میں وزارت انسانی وسائل اور سماجی ترقی (MHRSD) کا ایک نمائندہ شامل ہو ، تحقیقاتی پینل ملازم کے خلاف شکایات کی تحقیقات الیکٹرانک ذرائع کی مدد سے دور سے بھی کر سکتا ہے ، الزام کا سامنا کرنے والے ملازم کو اس سے منسوب انضباطی خلاف ورزیوں کے بارے میں واضح طور پر آگاہ کیا جائے گا اور اس سلسلے میں اس کی وضاحتیں سنیں گے ، کمیٹی تادیبی خلاف ورزی کا حوالہ دینے کی تاریخ سے تین ماہ کے اندر اندر اپنی رپورٹ وزیر کو پیش کرے گی ، جب کہ ملازم کمیٹی کے فیصلے کے خلاف اپیل کرنے کا حقدار ہے۔مزید بین الاقوامی خبریں
-
ایک قوم کے طور پر خود کو بین الاقوامی برادری کا حصہ سمجھتے ہیں ، امریکا سمیت تمام ممالک کے ساتھ خوشگوار تعلقات رکھنا چاہتے ہیں،افغان وزیر داخلہ کا انٹرویو
-
برطانیہ میں منکی پاکس کی وبا پھوٹ پڑی ،سات کیسز سامنے آگئے
-
30 سال تک مرد کا روپ دھار کر بیٹی کو پالنے والی بھارتی خاتون
-
صدر ایمانویل میکرون نے فرانس کی وزیر محنت الزبیتھ بورن کو فرانس کا نیا وزیراعظم نامزد کردیا
-
بدترین معاشی بحران کے شکار سری لنکا میں پیٹرول ختم
-
ڈپریشن کے شکار افراد میں عارضہ قلب بڑھنے کے انکشاف
-
پوٹن کا جنگ پر اعتماد متزلزل ہو چکا ہے، سابق روسی وزیراعظم
-
افغانستان میں سیکورٹی فورسز کی کاروائی ، 3منشیات سمگلر گرفتار
-
امریکا کا آواز کی رفتار سے پانچ گنا زیادہ پرواز کرنے والے ہائپر سونک میزائل کا کامیاب تجربہ
-
امریکی صدر نے صومالیہ میں امریکی فوج کی دوبارہ تعیناتی کے احکامات جاری کر دیئے
-
گیان واپی مسجد ، مسجد ہی رہے گی اسے مندر قرارنہیں دیا جاسکتا، آل انڈیا مسلم پرسنل لاء بورڈ
-
گیان واپی مسجدسے شیو لنگ نہیں بلکہ ایک فوارہ ملا ہے ، مسلم وکیل نے ہندو وکیل کے دعوے کو مسترد کردیا
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2022, UrduPoint Network
All rights of the publication are reserved by UrduPoint.com. Reproduction without proper consent is not allowed.