بابر اعظم کے ہم شکل کی بریانی کھانے کی ویڈیو وائرل

فیس بک صارف نے ایک نوجوان کی ویڈیو شیئر کی ہے جو بالکل بابراعظم جیسا دکھائی دیتا ہے

ذیشان مہتاب جمعہ 28 جنوری 2022 14:21

بابر اعظم کے ہم شکل کی بریانی کھانے کی ویڈیو وائرل

لاہور (اردو پوائنٹ تازہ ترین اخبار ۔ 28 جنوری 2022ء ) اگرچہ پاکستان سپر لیگ (پی ایس ایل) کے ساتویں ایڈیشن کے باضابطہ آغاز سے قبل قومی ٹیم کے کپتان بابراعظم کے ہم شکل کی سوشل میڈیا پر وائرل ہونے والی ویڈیو نے دھوم مچا دی ۔ ایک طرف بابر اعظم یقینی طور پر ملتان سلطانز کے خلاف کراچی کنگز کی قیادت کرنے پر توجہ مرکوز کر رہے تھے تو دوسری طرف ایک فیس بک صارف نے ایک نوجوان کی ویڈیو شیئر کی ہے جو بالکل ان جیسا دکھائی دیتا ہے اور اپنے سامنے رکھی بریانی کی ڈش پر اتنا ہی توجہ مرکوز کیے ہوئے نظر آتا ہے۔

(جاری ہے)

جو شخص ویڈیو ریکارڈ کر رہا ہے وہ نوجوان کو بابر اعظم کا ہم شکل ہونے کا کہہ کر چھیڑ رہا ہے۔ قومی کپتان کا ہم شکل اس آدمی کو نظر انداز کرتے ہوئے بریانی پر توجہ مرکوز کرنے کی پوری کوشش کرتا ہے لیکن آخر کار ہار مان لیتا ہے اور ویڈیو کے آخر میں مسکرا دیتا ہے۔

پی ایس ایل کے آغاز کا مطلب ملک بھر میں کرکٹ کے تہوار کا آغاز ہے، اس کا مطلب میمز کا ایک نان سٹاپ طوفان بھی ہے جو سوشل میڈیا کے ذریعے سکرولنگ کو کافی دلچسپ بناتا ہے۔