
مشکل معاشی فیصلوں سے ملکی ترقی کی سمت درست کرنا وقت کی ضرورت ہے‘ حسان خاور
ٹرانسفر پوسٹنگ گزشتہ حکومت کا محبوب مشغلہ‘ آج سروس ڈیلیوری کا معیار یقینی بنانے کے لیے ہے‘ترجمان پنجاب حکومت
جمعہ 28 جنوری 2022 19:37
(جاری ہے)
آج انقلابی ای ٹرانسفر پالیسی کے باعث کسی استاد کو سیکریٹریٹ کے دھکے نہیں کھانے پڑتے۔
حسان خاور نے بتایا کہ بزدار حکومت نے سمال ڈیمز اور نہروں پر کام کر کے ستر سالہ جمود کو توڑا۔ کسان کارڈ اور مزدور کارڈ سے کاشتکاروں اور مزدوروں کو معاونت فراہم کی جا رہی ہے۔ آج سے پہلے کم از کم اجرت کا تصور صرف باتوں اور فائلوں کی حد تک تھا۔ حکومت غیر استعمال شدہ پراپرٹیز پر کمرشل سرگرمیاں شروع کر کے نجی سرمایہ کاری لا رہی ہے۔ جنوبی پنجاب کے بجٹ کی رِنگ فینسنگ اور جنوبی پنجاب سیکریٹریٹ کے قیام کے باعث وہاں کی عوام کو انکا جائز حق دیا جا رہا ہے۔ آج 360 ارب کے ڈسٹرکٹ ڈیویلپمنٹ پیکج کی بدولت اضلاع اپنی سہولت اور ضرورت کے مطابق اپنی ترقی کے منصوبے بنا رہے ہیں۔ انہوں نے کہا کہ جب پرفارمنس پر بات نہ بنی تو حمزہ شہباز ٹرانسفر پوسٹنگ پر آ گئے جو گزشتہ وزیرِ اعلی کا محبوب مشغلہ تھا۔ انہوں نے مزید کہا کہ بزدار حکومت کا ٹرانسفر پوسٹنگ کا معیار سروس ڈیلیوری ہے۔ ان کا کہنا تھا کہ یہی حمزہ شہباز اپنے خاندان کی کرپشن کو "کھاتا ہے تو لگاتا بھی ہی" جیسی بے سر و پا توجیہات کے پیچھے چھپا کر نوجوان نسل کو گمراہ کن سبق دیتے رہے۔ انہوں نے گزشتہ حکومت سے موازنہ کرتے ہوئے کہا کہ شریف دور حکومت میں سڑکوں کی تعمیر پر فی کلومیٹر 37 کروڑ روپے خرچہ آتا رہا، موجودہ حکومت وہی خرچ 17 کروڑ فی کلومیٹر پر لے آئی؛ 2013 میں 64 بسیں 13 ارب روپے میں خریدی گئیں، آج اتنی ہی بسوں کی لاگت دس ارب روپے بنی۔ حسان خاور نے اورنج لائن میٹرو ٹرین کے حوالے سے کہا کہ پورے پنجاب کا حق چھین کر اس منصوبے پر لگانے والوں کی شعبدہ بازی کی حقیقت یہ ہے کہ آج ہر روز تین کروڑ کی سبسڈی اورنج لائن ٹرین کی مد میں دینی پڑ رہی ہے۔ گزشتہ حکومت ایسی کئی بارودی سرنگیں بچھا کر گئی تا کہ آئندہ آنے والی حکومت چل نہ سکے لیکن وزیرِ اعظم عمران خان کی بہترین حکمتِ عملی سے حکومتی ریونیو، برآمدات، ترسیلات زر نے تمام ریکارڈ توڑ دیئے اور اسکا اعتراف بین الاقوامی جریدوں اور حکومتوں نے بھی کیا۔ انہوں نے کہا وقت آ گیا ہے کہ مشکل معاشی فیصلے کر کے ملکی ترقی کو درست سمت میں لے جایا جائے۔ انہوں نے کہا شریف دور میں ایسا کونسا چار سو ارب کا زرعی پیکج تھا جس نے زراعت تباہ کر دی۔ آج ملک میں گندم کی پروڈکشن آٹھ فیصد، چاول تیرہ فیصد اور گنے کی بائیس فیصد بڑھ رہی ہے۔ معیشت کھنڈر بنانے کی باتیں کرنے والے 3800 ارب کا ریونیو چھوڑ کر گئے جو آج چھ ہزار ارب تک جا پہنچا ہے اور فارن ایکسچینج ریزروز تین گنا بڑھ چکی ہیں۔ انہوں نے مزید کہا کہ کرپشن کا رونا رونے والوں کو اصل تکلیف یہ ہے کہ ان سے حساب کیوں مانگا۔ انہوں نے کہا کہ یہ سوال پوچھنا قوم کا حق ہی؛ قوم کی لوٹی ہوئی دولت کا ان کو حساب دینا پڑے گا۔ وزیرِ اعظم عمران خان کی قیادت میں ملک میں یکساں ترقی و خوشحالی کے ثمرات سب تک پہنچیں گے۔ راوی اربن ڈویلپمنٹ اتھارٹی کے حوالے سے ایک سوال کا جواب دیتے ہوئے انہوں نے کہا کہ حکومت لاہور ہائی کورٹ کے فیصلے کے خلاف سپریم کورٹ میں اپیل کرے گی۔ انہوں نے بتایا کہ ستر سال میں پہلی دفعہ ایک ایسا ماحول دوست منصوبہ بنایا جا رہا ہے جس میں آٹھ ویسٹ واٹر ٹریٹمنٹ پلانٹس، سات نئے جنگلات کے منصوبے اور تین بیراج شامل ہیں۔ انہوں نے مزید کہا کہ حکومت قانون کی حکمرانی اور عوام کو انصاف کی بروقت فراہمی کو یقینی بنانے کے لیے پہلی دفعہ فوجداری قوانین پر نظر ثانی کرنے جا رہی ہے۔
مزید قومی خبریں
-
شدید گرمی لہر کی وجہ سے ہیٹ سٹروک اور سن برن کاخدشہ ہے ، خصوصی احتیاطی تدابیر پر عمل کرنا ضروری ہے، طبی ماہرین
-
تاجر برادری کے مسائل کے حل کے لئے ہرممکن اقدامات کئے جائیں گے،اکبر ایوب خان
-
فیصل آباد میں کورونا مریضوں کی پازیٹو شرح1 فیصدپر آگئی ،سی ای او ہیلتھ
-
چارسدہ میں انسداد ڈینگی آگاہی مہم جاری
-
دنیا بھر میں انسداد تمباکو نوشی کا عالمی دن 31 مئی کو منایا جائے گا
-
دنیا بھر میں دودھ کا عالمی دن یکم جون کو منایا جائے گا
-
لاہور: اورنج لائن ٹرین کے قرض کی واپسی کی مد میں پہلی قسط میں 1 ارب روپے کا اضافہ
-
پی ٹی آئی منحرف اراکین نااہلی کیس، الیکشن کمیشن نے فیصلہ محفوظ کرلیا،(کل)سنایا جائیگا
-
حکومت نے ساڑھی7 کروڑ میں وزیراعظم ہاس کا سوئمنگ پول مرمت کروایا، عمران اسماعیل کا دعویٰ
-
نیب لاہوور نے 2017 سے 30اپریل 2022کے دوران 64مجرموں کو سزا ،اربوں روپے وصولی کی
-
ملک انارکی جانب بڑھ رہا ہے، معیشت، سیاست کا برا حال اور ادارے کمزور ہو چکے ، حکمران جماعتیں تباہی کی ذمہ دار ہیں،سراج الحق
-
حمزہ شہباز کا مری میں اجلاس، پانی استعمال کرنیکا پلان طلب، اقبال لائبریری و پنڈی پوائنٹ کی بحالی، ایکسپریس وے کی تعمیر و مرمت کا اعلان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2022, UrduPoint Network
All rights of the publication are reserved by UrduPoint.com. Reproduction without proper consent is not allowed.