پنڈی گھیب،ٹک ٹاک ویڈیو بناتے ہوئے 21سالہ نوجوان ڈیم میں ڈوب کر جاں بحق

منگل 8 مارچ 2022 22:47

پنڈی گھیب (اُردو پوائنٹ اخبارتازہ ترین - آن لائن۔ 08 مارچ2022ء) ٹِک ٹاک ویڈیو بناتے ہوئے 21سالہ نوجوان ڈیم میں ڈوب کر جاں بحق ہوگیا۔

(جاری ہے)

تفصیلات ٹِک ٹاک ویڈیو بناتے ہوئے پاؤں پھسلنے سے 21 سالہ نوجوان پانی میں گر کر موت کی وادی میں پہنچ گیا , محلہ مسلم ٹاؤن پنڈی گھیب کا رہائشی نوجوان اویس ولد سلطان اپنے دوست کے ہمراہ شہباز پور ڈیم پر گھومنے کے لیئے گیا جہاں پر وہ اپنے دوست کیساتھ ٹِک ٹاک ویڈیوز بنانا شروع ہو گیا بعد ازاں شہباز پور ڈیم کے سِپل وے کے اوپر پٴْل پر حفاظتی ریلنگ کیساتھ ہاتھ رسی سے باندھ کر کرتب کرنے اور اٴْسکی ویڈیو بنانے کے دوران اچانک اٴْسکا پاؤں پھسلا اور وہ پانی میں جا گرا , یہ سارا وقوعہ اٴْسکے دوست کے موبائل پر ریکارڈ بھی ہو گیا , تیراکی نہ آنے کیوجہ سے نوجوان گہرے پانی میں چلا گیا بعد ازاں اطلاع ملنے پر ریسکیو 1122 اور پولیس اہلکاران موقع پر پہنچ گئے جہاں پر ماہر غوطہ خوروں کی مدد سے نوجوان کی نعش کو نکال لیا گیا جسکی نمازِ جنازہ آج رات 10 بجے اٴْسکے آبائی علاقے نکہ کلاں تحصیل پنڈی گھیب میں ادا کیجائے گی , نوجوان محنت کش تھا اور مقامی طور پر سیلز مین کا کام کرتا تھا , جوان اولاد کی موت کی خبر سٴْن کر والدین صدمے سے نڈھال ہو گئے مذکورہ واقعے کو عوامی حلقوں کیجانب سے ایک سبق کے طور پر لیا جا رہا ہی