اینٹی نارکوٹکس فورس کارروائی،بیرون ملک منشیات سمگلنگ کی کوشش ناکام

منگل 20 ستمبر 2022 12:00

راولپنڈی (اُردو پوائنٹ اخبارتازہ ترین - اے پی پی۔ 20 ستمبر2022ء) اینٹی نارکوٹکس فورس نے بیرون ملک منشیات کی سمگلنگ کی کوشش ناکام بنا دی ۔اے این ایف ترجمان کے مطابق اینٹی نارکوٹکس فورس نے اسلام آباد انٹرنیشنل ائیرپورٹ پر کارروائی کرکے ملزم کے پیٹ میں چھپائے گئے 110 عدد چرس بھرے کیپسول برآمدکر لیے ۔

(جاری ہے)

برآمدشدہ کیپسولز کا مجموعی وزن 636 گرام ہے۔ملزم خیبرایجنسی کا رہائشی ہے اور اسلام آبادسے بحرین جا رہا تھا۔ دوسری کارروائی میں کراچی میں واقع کوریئر آفس میں کینیڈا کے لئے بک کئے گئے پارسل سے ہیروئن برآمد کر لی۔1کلو 840گرام ہیروئن کارٹن کے گتوں میں مہارت سے چھپائی گئی تھی۔ملزمان کیخلاف انسدادِ منشیات ایکٹ کے تحت مقدمات درج کر کے مزید تحقیقات کا آغاز کر دیا گیا ہے۔