سابق وزیر اعظم آئی آئی چندریگر(ابراہیم اسماعیل چندریگر) کی62 ویںبرسی 26ستمبر پیر کو منائی گئی

پیر 26 ستمبر 2022 21:55

جہانیاں(اُردو پوائنٹ اخبارتازہ ترین - آن لائن۔ 26 ستمبر2022ء) پاکستان کے سابق وزیر اعظم آئی آئی چندریگر(ابراہیم اسماعیل چندریگر) کی62 ویںبرسی 26ستمبر پیر کو منائی گئی وہ 17 اکتوبر 1957ء سے 16 دسمبر 1957ء تک پاکستان کے وزیر اعظم رہے۔ آئی آئی چندریگر1897ء میں احمد آباد میں پیدا ہوئے۔

(جاری ہے)

آپ نے ممبئی یونیورسٹی سے قانون کی ڈگری حاصل کی اور احمد آباد میں وکالت شروع کی۔

1940ء سے 1945ء تک بمبئی مسلم لیگ کے صدر بھی رہے۔ تقسیم ہند کے بعد پاکستان کی مرکزی کابینہ میں اگست 1947ء تا مئی 1948ء اور اگست 1955ء تا اگست 1956ء وزیر رہے۔فروری 1950ء تا نومبر 1951ء صوبہ سرحد اور نومبر 1951ء تا مئی 1953ء صوبہ پنجاب کے گورنر رہے۔آپ 17 اکتوبر 1957ء سے 16 دسمبر 1957ء تک پاکستان کے وزیر اعظم رہے۔آئی آئی چندریگر نے 26 ستمبر1960ء کو وفات پائی۔