گورنر خیبر پختونخوا کی شہید ڈی ایس پی دیار خان کے گھر آمد، فاتحہ خوانی اور اہلخانہ سے تعزیت کی

جمعرات 13 اگست 2026 22:18

پشاور (اُردو پوائنٹ اخبارتازہ ترین - اے پی پی۔ 13 اگست2026ء) گورنر خیبر پختونخوا فیصل کریم کنڈی کی شہید ڈی ایس پی دیار خان کے گھر گئے ، فاتحہ خوانی کی اور اہلخانہ سے تعزیت کا اظہار کیا۔گورنر ہائوس پشاور تر جمان کے مطابق گورنر خیبرپختونخوا فیصل کریم کنڈی نے اس موقع پر کہا کہ ڈی ایس پی دیار خان نے خیبر پختونخوا کے لیے جان کا نذرانہ پیش کیا۔

انہوں نے کہا کہ شہید ڈی ایس پی کے بچوں کے سامنے شانہ بشانہ کھڑے ہیں۔

(جاری ہے)

انہوں نے کہا کہ ملک بھر میں سکیورٹی فورسز کے جوان وطن کے لیے قربانیاں دے رہے ہیں۔انہوں نے کہا کہ پولیس، فوج اور ایف سی سمیت تمام فورسز ملک، امن اور مٹی کے لیے جانیں قربان کر رہی ہیں۔انہوں نے کہا کہ جشنِ آزادی کے موقع پر تمام شہداء کو سلام پیش کرتے ہیں۔انہوں نے کہا کہ دہشتگردی کے خاتمے اور صوبے کے استحکام کے لیے تمام اسٹیک ہولڈرز اور سیاسی قوتوں کو اکٹھا ہونا ہوگا۔انہوں نے کہا کہ دہشتگردوں کے پاس جدید ہتھیار اور ٹیکنالوجی موجود ہے۔انہوں نے کہا کہ پولیس کو نائٹ ویژن، تھرمل اور اینٹی ڈرون آلات سے لیس کرنا ہوگا۔انہوں نے کہاکہ نیشنل سکیورٹی پلان پر مکمل عملدرآمد ضروری ہے۔