سیلاب زدگان کے لیے امدادی سامان کے جہاز پیپلز پارٹی ہضم کر رہی ہی: عمران اسماعیل

بلاول حکومت کی بہتری صرف ان کی اپنی دولت میں آئی ہے، وہ جب سے وزیر خارجہ بنے ہیں صرف 7دن ہی پاکستان میں رہے ہیں:سابق گورنر سندھ کا ٹویٹ

جمعرات 29 ستمبر 2022 22:18

سیلاب زدگان کے لیے امدادی سامان کے جہاز پیپلز پارٹی ہضم کر رہی ہی: عمران ..

کراچی(اُردو پوائنٹ اخبارتازہ ترین - آن لائن۔ 29 ستمبر2022ء) سندھ کے سابق گورنر عمران اسماعیل نے الزام عائد کیا ہے کہ سیلاب زدگان کے لیے آنے والے امدادی سامان کے جہاز پیپلز پارٹی ہضم کر رہی ہے۔پاکستان تحریک انصاف کے رہنما اور سابق گورنر سندھ عمران اسماعیل نے سماجی رابطوں کی ویب سائٹ ٹوئٹر پر پیپلز پارٹی اور وزیر خارجہ کو شدید تنقید کا نشانہ بنایا ہے۔

(جاری ہے)

عمران اسماعیل نے اپنے ٹوئٹ میں کہا کہ بلاول حکومت کی بہتری صرف ان کی اپنی دولت میں آئی ہے، وہ جب سے وزیر خارجہ بنے ہیں صرف 7دن ہی پاکستان میں رہے ہیں۔سابق گورنر نے کہا کہ عمران خان نہیں بلکہ بلاول اور اتحادی بیرونی طاقتوں سے ڈرتے ہیں۔انہوں نے مزید کہا کہ الیکشن سے بھاگنے کے لیے سندھ کو ڈبونے والے بلاول اپنے قد سے بڑی باتیں کر رہے ہیں، سیلاب زدگان کے جہاز تو پی پی ہضم کر رہی ہی