الیکشن کمیشن نے ضمنی انتخابات میں قومی اسمبلی کی 2 نشستوں اور صوبائی اسمبلی کی تین نشستوں پر کامیاب امیدواروں کی کامیابی کا نوٹیفکیشن جاری کر دیا

پیر 24 اکتوبر 2022 22:18

اسلام آباد (اُردو پوائنٹ اخبارتازہ ترین - اے پی پی۔ 24 اکتوبر2022ء) الیکشن کمیشن نے 16 اکتوبر کو ہونے والے ضمنی انتخابات میں قومی اسمبلی کی 2 نشستوں اور صوبائی اسمبلی کی تین نشستوں پر کامیاب امیدواروں کی کامیابی کا نوٹیفکیشن جاری کردیا ۔

(جاری ہے)

پیر کو الیکشن کمیشن کی جانب سے جاری کئے گئے نوٹیفکیشن کے مطابق الیکشن کمیشن نے این اے237 کراچی سے پیپلزپارٹی کے عبدالحکیم بلوچ اور این اے157 ملتان سے پیپلزپارٹی کے علی موسیٰ گیلانی کی کامیابی کا نوٹیفکیشن جاری کیا ۔

الیکشن کمیشن نے صوبائی اسمبلیوں کے ضمنی انتخابات پرکامیابی کے نوٹیفکیشن بھی جاری کردیئے۔پی پی 139 سے مسلم لیگ (ن )کے چوہدری افتخار احمد، پی پی 209 سے پی ٹی آئی کے فیصل نیازی اور پی پی 241 سے پی ٹی آئی کے ملک محمد مظفرکی کامیابی کا نوٹیفکیشن جاری کیا گیا ہے۔