پی ایس ایل 8 ڈرافٹس، پہلی پِک دفاعی چیمپئن لاہور قلندرز کی ہوگی

کوئٹہ گلیڈی ایٹرز کی دوسری اور ملتان سلطانز کی تیسری پک ہو گی، پھر کراچی کنگز ، اسلام آباد یونائیٹڈ اور آخری پِک پشاور زلمی کی ہو گی

پیر 31 اکتوبر 2022 22:25

لاہور(اُردو پوائنٹ اخبارتازہ ترین - این این آئی۔ 31 اکتوبر2022ء) پاکستان سپر لیگ کے آٹھویں ایڈیشن کیلئے پلیئرز ڈرافٹ کے پِک آرڈر کو حتمی شکل دے دی گئی ، پہلی پک دفاعی چیمپئن لاہور قلندرز کی ہو گی۔

(جاری ہے)

پی ایس ایل 8 انتظامیہ نے پلئیر ڈرافٹ کے پک آرڈر کو حتمی شکل دے دی ہے اور قرعہ اندازی کے ذریعے ترتیب پائے پک آرڈر میں پہلی پک دفاعی چیمپئن لاہور قلندرز کی ہو گی،کوئٹہ گلیڈی ایٹرز کی دوسری اور ملتان سلطانز کی تیسری پک ہو گی۔

پھر کراچی کنگز ، اسلام آباد یونائیٹڈ اور آخری پِک پشاور زلمی کی ہو گی،پی ایس ایل 8 کیلئے غیر ملکی کھلاڑیوں کی رجسٹریشن کھول دی گئی ہے، ٹورنامنٹ ڈائریکٹر عثمان واہلہ کے مطابق رجسٹریشن کیلئے رسپانس بہت اچھا ہے،فروری اور مارچ 2023 میں ایونٹ کے میچز کراچی، لاہور ، راولپنڈی اور ملتان میں ہوں گے۔ پلئیر ڈرافٹ کی تفصیلات کا اعلان جلد کیا جائے گا۔