عوام کو روزگار کی فراہمی ہماری ہمیشہ سے ترجیح رہی ہے، پارٹی قیادت کے وژن اور قانون کے مطابق محنت کشوں کے مسائل کے حل کے لئے کمیٹی اپنا بھر پور کردار ادا کرے گی،ڈاکٹر قادر مندوخیل
ہفتہ 3 دسمبر 2022 21:40
(جاری ہے)
انہوں نے کہا کہ ہم حکومت میں ہوئے یا حکومت سے باہر محنت کشوں کے مسائل کے حل کے لئے کام کرتے رہیں گے ۔
انہوں نے کہا کہ 1993میں شہید بے نظیر بھٹو کے دور حکومت میں جو سرکاری بھرتیاں ہوئیں انہیں برطرف کر دیا گیا لیکن پیپلز پارٹی نے دوبارہ حکومت بنائی تو سب سے پہلے ان ملازمین کو بحال کیا اور آصف علی زرداری کے دور میں باقاعدہ ایک ایکٹ بنایا گیا اور لوگوں کو بحال کیا گیا، تو جسٹس مشیر عالم کی سربراہی میں بینچ نے ان سب لوگوں کو فارغ کر دیا پھر دھرنا ہوا اور جسٹس عطاء بندیال کی سربراہی میں پھر ملازمین کو بحال کردیا گیا ، لیکن بحال شدہ ملازمین کے مسائل پیدا ہوئے جنہیں حل کرنے کے لئے بلاول بھٹو زرداری کے مطالبہ پر 12 اکتوبر کو یہ کمیٹی وجود میں آئی اور مجھے اس کے سربراہ کی ذمہ داری سونپی گئی۔ کمیٹی کی ذمہ داری سنبھالتے ہی ہم نے لوگوں کی شکایات پر متعلقہ اداروں کو نوٹس جاری کئے اور اس سے پہلے جو قائمہ کمیٹی موجود تھی اس کمیٹی کی سفارشات پر عملدرآمد کے لئے بھی بیورو کریسی کو ہدایات جاری کیں، ہم نے اسمبلی میں اس بل کو دوبارہ پیش کیا ہے تاکہ عدم عملدرآمد کی صورت میں اس حوالے سے شوکازاور ہدایات کا بھی اختیار مل سکے۔ انہوں نے کہا کہ ہم نے ہمیشہ مزدوروں کی فلاح و بہبود اور ملازمین کے لئے کام کیا ہے اگر میں تنخواہوں میں اضافے کی بات کروں تو سابق صدر آصف علی زرداری کے دور میں سرکاری ملازمین کی تنخواہیں ڈیڑھ سو فیصد بڑھائی گئی تھیں ۔ قادر مندوخیل نے بی بی شہید کی ایک بات کا حوالہ دیا جب انہوں نے کہا تھا بھلے مجھے جیل بھجوا دو لیکن میں لوگوں کے روزگار کے لئے کام کرتی رہوں گی اورسابق صدر آصف علی زرداری اور ہمارے چیئرمین بلاول بھٹو زرداری ، اور ہماری قائد فریال تالپورصاحبہ، سپیکر قومی اسمبلی راجہ پرویز اشرف بھی اسی مشن پر گامزن ہیں اور ہم نے اس کمیٹی کو کھلی کچہری کی طرز پر چلایا ہے لوگوں کے لئے اسمبلی کے دروازے کھلوا دیئے ہیں ۔ انہوں نے پاکستان سٹیل ملز کے ایک بحال شدہ ملازم کی درخواست کا حوالہ دیا جسے سپریم کورٹ نے بحال کیا لیکن گریڈ نہیں دیا گیا، انہوں نے کہا کہ جو ڈیپارٹمنٹ آئے اس کے ملازمین کو بلایا جائے گا تاکہ مسائل کی نشاندہی کے ساتھ فوری ازالہ کے لئے ہدایات جاری کی جاسکیں ۔ انہوں نے کہا کہ پاکستان سٹیل مل شہید ذوالفقار علی بھٹو کا تحفہ ہے، سٹیل مل کے ایک کیس کا حوالہ دیتے ہوئے انہوں نے کہا کہ ایسے سنیارٹی کے مسائل کو قانون کے مطابق حل کیا جائے گا اب کسی کی حق تلفی نہیں ہو گی۔ انہوں نے یوٹیلیٹی سٹورز کارپوریشن کے کرپشن پر برطرف ملازم کے کیس کا بھی تفصیلی حوالہ دیا اور کہا کہ اس جیسے تمام معاملات کا بغور جائزہ لیا جائے گا ۔انہوں نے کہا کہ وفاقی نظامت تعلیمات اسلام آباد کے ڈیلی ویجز اور کنٹریکٹ پر اساتذہ کی تنخواہوں اور دیگر مسائل کو بھی سنا جائے گا اور حل کی سفارش کی جائے گی۔مزید قومی خبریں
-
حکومت کی اقتصادی حکمت عملی میں صنعتی ترقی اور برآمدات کا فروغ اولیں ترجیح ہے، بجٹ میں صنعتی پالیسی لا رہے ہیں‘رانا تنویر حسین
-
وزیرِاعلی سندھ نے پیپلزبس سروس آٹو میٹڈ فیئر کلکشن سسٹم کا افتتاح کر دیا
-
حکومت کسانوں، گندم کے مسئلے پر بہت فکر مند ہے‘ احسن اقبال
-
وزیراعلیٰ مریم نوازشریف کا راجن پور میں 8 سالہ بچی سے زیادتی کے واقعہ کا نوٹس
-
پاکستان انٹرنیشنل ایئرلائن آمدہ حج سیزن کے دوران تقریبا ً34 ہزار عازمین حج کو 170 پروازوں کے ذریعے حجازمقدس پہنچائے گی
-
وزیرمواصلات عبدالعلیم خان کا سمبڑیال کھاریاں موٹروے کا فضائی دورہ
-
9 مئی واقعات کی شفاف تحقیقات کے بغیرملک آگے نہیں بڑھ سکتا ، زرتاج گل
-
کلر کہار، ڈرائیور اپنے کی ٹریکٹر کی زد میں آ کر جاں بحق
-
9 مئی: عمرسرفرازچیمہ کی درخواست ضمانت پرسرکاری وکیل سے دلائل طلب
-
9 مئی : ڈاکٹر یاسمین راشد کی ضمانت کی درخواستوں پر پراسیکیوشن کو کل تک مہلت
-
ٹرانسپورٹرز کے جائز مسائل حل کئے جائیں گے ،انسداد سمگلنگ کارروائی جاری رہے گی ،میرسرفرا زبگٹی
-
گورننس کی بہتری کیلئے اقدامات اٹھا ئے جا رہے ہیں ،سول سروسز کے تمام گروپس کو ساتھ دینا ہوگا،وزیر اعلی بلوچستان
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.