Live Updates

وزیر خزانہ سے ملاقات کے بعد صدر عارف علوی کا عمران خان سے رابطہ

ٹیلیفونک رابطے میں عام انتخابات کی ٹائم لائن اور اسحاق ڈار سے ہونے والی ملاقات پر گفتگو، صدرِ مملکت کا جلد دورہ لاہور کا امکان

مقدس فاروق اعوان منگل 14 فروری 2023 16:04

وزیر خزانہ سے ملاقات کے بعد صدر عارف علوی کا عمران خان سے رابطہ

اسلام آباد(اُردو پوائنٹ اخبارتازہ ترین - 14 فروری2023ء) صدر عارف علوی نے وزیر خزانہ اسحاق ڈار سے ملاقات کے بعد چئیرمین پی ٹی آئی عمران خان سے رابطہ کیا ہے۔ ملک سیاسی اور معاشی صورتحال پر گفتگو کی گئی۔ٹیلیفونک رابطے میں اسحاق ڈار سے ہونے والی ملاقات پر بھی گفتگو کی گئی۔صدر مملکت عارف کا چند روز میں دورہ لاہور کا بھی امکان ہے۔صدر عارف علوی نے عمران خان سے ملک میں عام انتخابات کی ٹائم لائن سے متعلق بھی گفتگو کی۔

اب سے کچھ دیر قبل صدر مملکت ڈاکٹر عارف علوی سے وزیر خزانہ اسحاق ڈار کی ملاقات ہوئی تھی۔ملاقات میں مختلف امور پر تبادلہ خیال کیا گیا۔صدر عارف علوی اور وزیر خزانہ اسحاق ڈار کی ملاقات میں معاشی صورتحال پر مشاورت کی گئی۔ وزیر خزانہ نے صدرِ مملکت کو آئی ایم ایف سے معاہدے سمیت دیگر امور پر بریف کیا۔

(جاری ہے)

صدر اور وزیر خزانہ کی ملاقات میں آئی ایم ایف کے مطالبات سے متعلق گفتگو کی گئی۔

اسحاق ڈار نے متوازن بجٹ بنانے کے فارمولے پر صدر کو اعتماد میں لیا۔صدر عارف علوی نے اپنی طرف سے بھی تجاویز پیش کیں۔ حکومت کی طرف سے منی بجٹ آرڈیننس کی صورت میں نافذ کرنے پر بھی گفتگو کی گئی۔ذرائع کے مطابق منی بجٹ تجاویز آج کابینہ کے اکلاس میں منظور کیے جانے کا امکان ہے۔ خیال رہے کہ وفاقی حکومت نے منی بجٹ کیلیے آرڈیننس لانے کا فیصلہ کر لیا ہے۔

حکومتی ذرائع کے مطابق سینیٹ اور پارلیمنٹ کا مشترکہ اجلاس ختم ہونے کے بعد صدارتی آرڈیننس جاری ہوگا،ٹیکسوں اور ڈیوٹی کی شرح میں ردوبدل آرڈینیس کے ذریعے ہوگا،سینیٹ اجلاس کی وجہ سے ابھی آرڈینینس جاری نہیں ہوسکتا،صدارتی آرڈیننس چار ماہ کیلیے نافذ العمل ہوگا ۔ حکومتی ذرائع کا مزید کہنا ہے کہ قرارداد کے ذریعے قومی اسمبلی اس میں مزید ایک سو بیس دن توسیع کی منظوری دے سکتی ہے۔