ملک کے بیشتر علاقوں میں مطلع جزوی ابرآلود رہنے کے علاوہ تیز ہوائوں اور گرج چمک کے ساتھ مزید بارش کا امکان

جمعہ 17 مارچ 2023 23:48

اسلام آباد (اُردو پوائنٹ اخبارتازہ ترین - اے پی پی۔ 17 مارچ2023ء) وفاقی دارالحکومت اسلام آباد سمیت ملک کے بیشتر علاقوں میں مطلع جزوی ابرآلود رہنے کے علاوہ آندھی/ تیز ہوائوں اور گرج چمک کے ساتھ مزید بارش کا امکان ہے۔ محکمہ موسمیات کے مطابق آج ہفتہ کے روز ملک کے بیشترعلا قوں میں مطلع جزوی ابرآلود رہنے کے علاوہ بالائی/جنوبی پنجاب، اسلام آباد، کشمیر، گلگت بلتستان، خیبر پختونخوا، مشرقی بلوچستان اور سند ھ میں آندھی/ تیز ہوائوں اور گرج چمک کے ساتھ بارش کا امکان ہے۔

گذشتہ 24 گھنٹے کے دوران اسلام آباد، پنجاب، زیریں خیبرپختونخوا، کشمیر، بلوچستان اور سندھ میں آندھی اورگرج چمک کے ساتھ بارش ہوئی۔ ملک کے دیگر علاقوں میں مطلع جزوی ابر آلود اور موسم خشک رہا۔

(جاری ہے)

سب سے زیادہ بارش پنجاب میں بھکر 27، گوجرانوالہ 18، ساہیوال 16، ٹوبہ ٹیک سنگھ 16، جھنگ، اوکاڑہ، منگلا، جہلم 12، اسلام آباد (سٹی04، ائرپورٹ 11، سید پور 02، گولڑہ اور بوکرہ 02)، لاہور (سٹی 10، ائرپورٹ 07)، قصور 07، مری، فیصل آباد 06، بہاولپور (ائرپورٹ 06، سٹی 02) جوہر آباد 05، ڈی جی خان، نارووال، رحیم یار خان، خانیوال، سرگودھا 04، ملتان (ائرپورٹ 03، سٹی 02)، منڈی بہاؤدین، سیالکوٹ ائرپورٹ ،کوٹ ادو، گجرات 02،راولپنڈی (شمس آباد 03، چکلالہ 02)، فیصل آباد، حافظ آباد، اوکاڑہ، بہاولپور سٹی 01. خیبر پختونخوا میں ڈی آئی خان (سٹی 24، ائرپورٹ 18)، پارا چنار21 ،مالم جبہ 06، کاکول 04، دیر، سیدو شریف03،، سندھ میں میرپورخاص 12، ٹنڈوجام 02، بلوچستان میں بارکھان 05 اور خضدار 02۔

کشمیر میں مظفرآباد (شہر 03، ائرپورٹ 11)، راولاکوٹ 10، کوٹلی 06، گڑھی دوپٹہ 02ملی میٹر بارش ریکارڈ کی گئی۔ اس دوران ملک میں زیا دہ سے زیادہ درجہ حرارت چھور ،تربت36اور مٹھی میں35 ڈگری سینٹی گریڈ ریکارڈکیا گیا۔