لاہور (اُردو پوائنٹ اخبارتازہ ترین - اے پی پی۔ 18 مارچ2023ء)
پاکستان کرکٹ بورڈومینجمنٹ کمیٹی کے چیئرمین
نجم سیٹھی نے کہا ہے کہ
پی ایس ایل کے انعقاد سے بزنس بڑھتا ہے، ایسے ایونٹس پر زیادہ سے زیادہ خرچ کرنا چاہیے
،پی ایس ایل کو قومی اثاثہ قرار دیا جا رہا ہے ۔ ہفتہ کے روزیہاں
لاہور میں میڈیا سے گفتگو کرتے ہوئے انہوں نے کہاکہ ہم وفا قی ، صو با ئی اور مقا می حکو متوں سمیت سب ادا روں کے شکر گزار ہیں جنہوں نے
پی ایس ایل کو کامیاب بنانے کے لئے
پی سی بی کے ساتھ بھر پور تعاون کیا۔
انہوں نے کہا کہ ہائیکورٹ نے بھی تسلیم کیا ہے کہ اس طرح کے ایونٹس ملک میں جاری رہنے چاہیے اسی لئے اعلی عدلیہ نے
لاہور میں پی ٹی آ ئی کی جانب سے ہنگامہ آ رائی کے باوجود
پی ایس ایل کو ڈسٹرب نہیں کر نے دیا، انہوں نے
پی ایس ایل کو قومی اثاثہ قرار دیا۔
(جاری ہے)
چیئرمین مینجمنٹ کمیٹی نے کہا کہ پی ایس ایل ٹورنامنٹ میں سات ممالک کے دو سو کے لگ بھگ افراد آئے جن میں غیر ملکی کھلاڑی اور ٹیکنیشنز بھی تھے ہم ان کے بھی مشکورہیں جنہوں نے پاکستان میں سپورٹس کی سرگرمیوں کو مزید فروغ دینے میں اپنا کر دار ادا کیا ، امریکا سے آئے براڈ کاسٹنگ سے منسلک ایک شخصیت نے بھی پی ایس ایل کو کامیاب ایونٹ قرار دیا۔
انہوں نے کہا کہ
پی ایس ایل کو دیکھنے کے لئے شائقین
کرکٹ کی تقریبا 80 فیصد تعدا دسٹیڈیم آئی انہوں نے اسے ایک گلوبل برانڈ بنا دیا۔
نجم سیٹھی نے کہا کہ
ملتان میں ہمیں بہت سپورٹ ملی وہاں لاجسٹک کی مشکلات پیش آئیں،
ملتان میں افتتاحی تقریب کے حوالے سے چند مشکلات کا سامنا پڑا لیکن پچھلے7 ایڈیشنز کے مقابلے میں یہ تقریب سب سے بہترین تھی۔
انہوں نے کہا کہ جب میں 22 دسمبر کو آیا تو افتتاحی تقریب سے متعلق کچھ نہیں کیا گیا تھا، برانڈنگ کیلئے ایک لاکھ
ڈالر رکھا گیا تھا جو میرے لیے حیران کن تھا، ہم نے ایک ماہ کے اندر تمام کام مکمل کیے، میں خود اس حوالے سے
دبئی گیا۔انہوں نے کہا کہ فرنچائزز نے بھی 50 فیصد حصہ ڈالا ہم نے اس کا
بجٹ 10 گنا بڑھا دیا، ٹکٹ کی
ریکارڈ سیل ہوئی، ڈیجیٹل پر ریٹنگ 10 پر گئی، ہم ڈیجیٹل سے متعلق
آئی پی ایل سے آگے رہے
۔نجم سیٹھی نے کہا کہ ہم 50 کروڑ روپے کے سیلز ٹیکس دیتے ہیں، صوبائی ٹیکس بھی اتنے ہوتے ہیں،
پی ایس ایل کی وجہ سے بزنس بڑھتا ہے، ایسے ایونٹس پر زیادہ سے زیادہ خرچ کرنا چاہیے، چار وینیوز پر میچز کرانا آسان نہیں تھا۔
