بھارت میں مودی کیخلاف پوسٹر لگانے پر پولیس کا کریک ڈائون ،متعدد افراد گرفتار ،100سے زائد افراد گرفتار

جمعرات 23 مارچ 2023 22:53

نئی دہلی (اُردو پوائنٹ اخبارتازہ ترین - آن لائن۔ 23 مارچ2023ء) بھارت میں مودی کیخلاف پوسٹر لگانے پر پولیس کا کریک ڈائون ، متعدد افراد کو گرفتار کرکی100سے زائد مقدمات در ج کرلئے ،عام آدمی پارٹی نے مرکزی حکومت پر ’آمریت‘ کا الزام لگا دیا ،عام آدمی پارٹی نے ٹوئٹ میں کہا کہ ’مودی کی حکومت میں آمریت انتہا پر ہے، ان پوسٹرز میں کیا قابل اعتراض ہے کہ مودی جی نے 100 ایف آئی آر درج کروا دیں، وزیر اعظم نریندر مودی آپ شاید نہیں جانتے لیکن بھارت جمہوری ملک ہے، آپ ایک پوسٹر سے خوف زدہ کیوں ہیں ۔

بھارتی میڈیا کے مطابق بھارت کے دارالحکومت نئی دہلی میں پولیس نے وزیر اعظم نریندر مودی کے خالف پوسٹرز لگانے پر 100 سے زائد مقدمات درج اور 6 افراد کو گرفتار لیا ہے۔اس طرح کے تقریباً ایک لاکھ پوسٹرز چھپوانے کے آرڈر 2 پرنٹنگ پریس کو دیے گئے ہیں، جن میں بھارتی وزیر اعظم نریندر مودی کو ہٹانے کا مطالبہ کیا گیا ہے۔

(جاری ہے)

رپورٹ میں بتایا گیا کہ دہلی پولیس نے ایک وین کو روکا اور 10 ہزار سے زائد پوسٹرز کو قبضے میں لیا گیا، ان پوسٹرز میں پرنٹنگ پریس کا نام درج نہیں ہے۔وفاقی دارالحکومت میں ’مودی ہٹاؤ، ملک بچاؤ‘ پوسٹرز مختلف دیواروں پر چسپاں کیے گئے تھے، جنہیں ہٹا دیا گیا۔ان کا کہنا ہے کہ پرنٹنگ پریس ایکٹ اور ڈیفیسمنٹ آف پراپرٹی ایکٹ کے تحت مقدمات درج کیے گئے ہیں۔