پاکستان کے بڑے ستاروںپر مشتمل نئی سیریز -سیاہ کا ٹریلر ریلیز

کراچی (اُردو پوائنٹ اخبارتازہ ترین - این این آئی۔ 03 مئی2023ء) گرین انٹرٹینمنٹ نے اپنے آنے والے Dark Anthologyسیریز سیاہ کا ٹریلر جاری کردیا۔ ڈرامہ سیریز میں ایک منفرد کہانی پیش کی جارہی ہے جس کی ہر قسط ایکشن وسنسنی ، خوف و کامیڈی، خونی اور نفسیاتی سنسنی وغیرہ شامل ہیں۔اس کی کاسٹ میں عدنان صدیقی، فیصل قریشی، حرا مانی، ہانیہ عامر، عثمان خٓلد بٹ، شاہ ویر جعفری، ارسلان نصیر اور دیگر نامور ستارے شامل ہیں۔

سیریز میں سلور اسکرین پر ناظرین میں جھرجھری پیداکرنے والی کہانیان پیش کی جائیں گی۔آئی آر کے فلمز کی ملٹی ورسز انٹرٹینمنٹ کے اشتراک سے پیش کی جانے والی سیریز کی ہر قسط مختلف معروف رائٹرز کی لکھی ہوئی اور مختلف ڈائریکٹرز کی زیر ہدایت پیش کی جائے گی جبکہ اس کے پرویوڈسر عمران رضا کاثمی اور حریم فاروق ہیں۔

(جاری ہے)

جادو اور سنسنی کا احساس لئے ، سیاہ کی ہر قسط میں حقیقت کا تاریک روپ پیش کیا جائے گا جس میں صوفیانہ رنگ بھی شامل ہے۔

اسٹار کاسٹ سے سجی یہ سیریزناظرین کیلئے زندگی کے چکروں سے اس طرح آشنا کرے گی اور وہ ہر قسط میں سچائی دریافت کرسکیں گے۔پروڈکشن کے بارے میںحریم فاروق نے پرجوش انداز میں کہا،"اس پروجیکٹ میں حصہ لینا اور کچھ نیا تخلیق کرنا میری خوش نصیبی ہے۔ پاکستان جدید انداز کا مواد پیش کرنے میں تیزی سے آگے بڑھ رہا ہے اور سیاہ اس ہدف کو حاصل کرنے میں پہل کرنے والا قدم ہے۔

مجھے ایسے پروجیکٹس میں کام کرنا بہت لطف حاصل کرنے کے ساتھ ایک چیلنج بھی ہوتا ہے اوریہ شو بھی مجھے ایسا ہی موقع فراہم کررہا ہے۔مجھے یقین ہے کہ یہ شو اپنے اسٹائل ، زبردست ویژوئلز اور خصوصی اثرات کے ساتھ ناظرین کو بہت محظوظ کرے گا۔" سیا ہ سیریزکے بارے میں بات کرتے ہوئے گرین انٹرٹینمنٹ کے COO عمران رضا نے کہا،"مجھے یقین ہے کہ ہمارے ناظرین سیاہ کو بہت پسند کریں گے جو ویژوئل اور کہانیوں کے لحاظ سے ان کو کچھ نیا پیش کریں گی۔

گرین انٹرٹینمنٹ پاکستا ن میں پروڈیو س ہونے والے مواد کو عالمی معیار کے مطابق ڈھالنے اور منفرد انداز میں اوریجنل پروڈکشنز پیش کرنے پر توجہ مرکوز رکھتا ہے۔ یہ شو بھی ہمارے گزشتہ کئی پروگراموں کی طرح پاکستان انٹرٹینمنٹ انڈسٹری کیلئے ایک بالکل مختلف انداز اور مواد کی تخلیق کے نئے عہد کیلئے انقلابی قدم ہے۔-"گرین انٹر ٹینمنٹ کا وژن ٹی وی کیلئے انقلابی اور بھروسہ مند مود پیش کرکے کستان کا لیڈنگ، اوریجنل اور متھرک کرنے والا انٹرٹینمنٹ چینل کا مقام حاصل کرنا ہے۔ا س کی ٹیسٹ ٹرانسمیشن 28 اپریل سے شروع ہوچکی ہے۔