Live Updates

لوگ اپنی جان بچانے کیلئے عمران خان کو چھوڑ رہے ہیں، فیصل واوڈا

عمران خان نے مراد سعید کو چھپایا ہوا ہے،وہ سمجھ رہے تھے بہت اسمارٹ پولیٹکس کر رہے ہیں، لیکن غلطی کرگئے،سابق وفاقی وزیر

اتوار 28 مئی 2023 16:55

لوگ اپنی جان بچانے کیلئے عمران خان کو چھوڑ رہے ہیں، فیصل واوڈا

کراچی(اُردو پوائنٹ اخبارتازہ ترین - این این آئی۔ 28 مئی2023ء) سابق وفاقی وزیر فیصل واوڈا نے کہا ہے کہ آج لوگ اپنی جان بچانے کیلئے عمران خان کو چھوڑ کر جا رہے ہیں۔خصوصی گفتگو کرتے ہوئے فیصل واوڈا نے کہاکہ سیاست کو شہدا کی قبر تک لے جانے پر مذاکرات کا دروازہ بند ہو گیا ہے، مذاکرات کا دروازہ بند کرکے چابی کنویں میں پھینک دی گئی ہے۔

(جاری ہے)

انہوں نے کہاکہ آج لوگ اپنی جان بچانے کیلئے عمران خان کو چھوڑ کر جا رہے ہیں، پارٹی چھوڑ کر جانے والے کچھ لوگ 9 مئی کے واقعات کے ذمہ دار تھے۔

انہوں نے کہا کہ جو بڑے نام آرہے ہیں وہ عمران خان کی جگہ لینا چاہتے تھے۔ عمران خان کے بیان کے بعد سے مراد سعید کی جان و مال کی ذمہ داری عمران خان پر آگئی۔فیصل واوڈانے کہاکہ عمران خان نے مراد سعید کو چھپایا ہوا ہے، عمران خان سمجھ رہے تھے بہت اسمارٹ پولیٹکس کر رہے ہیں، لیکن غلطی کرگئے۔ دوسرا سازشی کامیاب ہوتا نظر آرہا ہے۔ایک سوال کے جواب میں انہوں نے واضح کیا کہ جہانگیر ترین کی پارٹی کا حصہ نہیں بن رہا۔