Live Updates

9 مئی کے واقعات میں ملوث افراد کو سزا دلوا کر ہی دم لیں گے، مراد علی شاہ

شہدا کی وجہ سے ملک قائم و دائم ہے، شرپسندوں نے شہدا کی یادگار کو نقصان پہنچایا،وزیراعلیٰ سندھ کا تقریب سے خطاب

پیر 29 مئی 2023 20:28

9 مئی کے واقعات میں ملوث افراد کو سزا دلوا کر ہی دم لیں گے، مراد علی شاہ

کراچی (اُردو پوائنٹ اخبارتازہ ترین - این این آئی۔ 29 مئی2023ء) وزیرِ اعلی سندھ مراد علی شاہ نے کہا ہے کہ 9 مئی کے واقعات میں ملوث افراد کو سزا دلوا کر ہی دم لیں گے۔کراچی کے ہوٹل میں یومِ تکریم شہدا کی تقریب سے خطاب کرتے ہوئے مراد علی شاہ نے کہا کہ 9 مئی کے واقعات میں ملوث افراد کے خلاف کارروائی ہو گی۔

(جاری ہے)

مراد علی شاہ نے کہا کہ 9 مئی کے واقعے میں ملوث لوگوں کا انشا اللہ وہی حال ہو گا جو ملک کے دشمن کا ہوتا ہے۔

انہوں نے کہا کہ شہدا کی وجہ سے ملک قائم و دائم ہے، شرپسندوں نے شہدا کی یادگار کو نقصان پہنچایا۔واضح رہے کہ گزشتہ دنوں پاکستان تحریک انصاف کے چیئرمین عمران خان کی گرفتاری کے بعد پی ٹی آئی کارکنوں نے ملک کے مختلف شہروں میں احتجاج اور جلا گھیرا کیا تھا۔پی ٹی آئی کارکنوں نے جناح ہاؤس لاہور سمیت فوجی تنصیبات، تاریخی عمارتوں، سرکاری املاک اور گاڑیوں کو آگ لگا دی تھی۔