چودھری پرویزالٰہی گلگت بلتستان فرار ہو رہے تھے، ڈرائیور کا پولیس کو بیان
پرویزالٰہی گھر سے چار گاڑیوں کے قافلے سے نکل رہے تھے، 2 گاڑیوں میں بچے اور خواتین سوار تھے، گاڑی کا دروازہ نہ کھولنے پر پولیس کو پرویزالٰہی کی موجودگی کا شک ہوا۔ پولیس
ثنااللہ ناگرہ جمعرات 1 جون 2023 21:01
(جاری ہے)
یاد رہے پاکستان تحریک انصاف کے مرکزی صدر چودھری پرویزالٰہی کو پولیس نے گرفتار کرلیا ہے۔
پولیس ان کی ضمانت خارج ہونے پر گرفتاری کیلئے چھاپے مار رہی تھی ، جبکہ چودھری پرویزالٰہی کچھ روز سے روپوش تھے۔ اس سے قبل پولیس نے ان کے گھر کے سامنے سکول کی بھی تلاشی لی تھی، پولیس کو موبائل لوکیشن مل رہی تھی کہ وہ اسی علاقے میں موجود ہیں، پولیس نے ان کی گرفتاری کیلئے وہاں ناکہ لگایا ہوا تھا۔ تاہم چودھری پرویزالٰہی آج جب ظہور الٰہی روڈ پراپنے گھر سے نکل کر گاڑی میں جارہے تھے کہ پولیس نے گاڑی روک کر انہیں گرفتار کیا ہے۔چودھری پرویزالٰہی کو ان کے گھر کے قریب سے گرفتار کیا گیا۔ یاد رہے چودھری پرویزالٰہی کیخلاف کرپشن کے مقدمات تھے، پرویزالٰہی پر ترقیاتی اسکیموں میں کک بیکس لینے کے الزامات ہیں۔ چودھری پرویزالٰہی اینٹی کرپشن کورٹ میں پیش نہیں ہوئے تھے، گوجرانوالہ کی اینٹی کرپشن عدالت نے ان کی عبوری ضمانت خارج کی تھی۔ عدالت نے انہیں گرفتار کرکے 2جون کو پیش کرنے کا حکم دیا تھا۔ نگران وزیراطلاعات عامر میر نے اپنے مئوقف میں کہا کہ چودھری پرویزالٰہی کو پولیس نے گرفتار کرلیا ہے، پرویزالٰہی گھر سے فرار ہوتے ہوئے پکڑے گئے، وہ اینٹی کرپشن کیس میں پولیس کو مطلوب تھے اور مفرور تھے،آج گھر سے دو گاڑیاں نکلیں ایک گاڑی میں پرویزالٰہی تھے اور دوسری گاڑی میں خواتین تھیں، پولیس نے گاڑی کو ناکے پر روکا کہ چیک کرنی ہے، ان کی گاڑی بلٹ پروف تھی وہ گاڑی کا دروازہ نہیں کھول رہے تھے۔ چودھری پرویزالٰہی نے آج بھی گرفتاری نہ دینے کی مزاحمت کی، مزاحمت کرنے پر ڈرائیور سائیڈ کا شیشہ توڑا گیا تو اندر سے پرویزالٰہی برآمد ہوئے۔ چودھری پرویزالٰہی چھپنے کے ماہر ہیں وہ آج فرار ہوتے پکڑے گئے، اگر وہ گھر سے باہر نہ نکلتے تو شاید کچھ اور دن نہ پکڑے جاتے۔ جب انہیں گرفتار کرنے کی پہلی کوشش کی گئی تو بڑی بدمزگی ہوگئی تھی ، توڑ پھوڑ ہنگامہ آرائی ہوئی تھی۔اس حوالے سے ڈی جی اینٹی کرپشن کیس کی رپورٹ دیں گے۔ ان کو اینٹی کرپشن کیس میں گرفتار کیا گیا ہے۔ انہوں نے کہا کہ چودھری مونس الٰہی بھی کیسز میں مطلوب ہیں،ان کو تفتیش کیلئے بلایا جاتا ہے لیکن وہ یورپ میں مقیم ہیں۔مزید اہم خبریں
-
نادرا کی جانب سے 3 کروڑ اسمارٹ کارڈز کی خریداری میں بے ضابطگیوں کا انکشاف
-
اسٹیٹ بینک کی مارکیٹ سے ریکارڈ 4.2 ارب ڈالر کی خریداری
-
ترقی کی راہ میں رخنہ ڈالنے اور توجہ ہٹانے کی تمام کوششیں ناکام ہوں گی،آرمی چیف
-
پرانی قومی شاہراہ کی مرمت کاکام دسمبر تک مکمل ہوگا، سکھرحیدرآباموٹرویترجیحی منصوبہ ہے،علیم خان
-
پارلیمنٹ کو سنجیدہ لیں، اسپیکر قومی اسمبلی کی وزارتوں اور ڈویژنز کو ہدایت
-
قومی اسمبلی کا اجلاس مقررہ وقت پر شروع ہو گا اس میں تاخیر نہیں ہو گی، سردار ایاز صادق
-
قومی معیشت کو نقصان پہنچانے والے عناصر کا احتساب ہو گا، وزیر اعظم
-
وزیر داخلہ محسن نقوی نے 3ماہ میں اسلام آباد کے تھانوں کی صورتحال بہتر کرنے کا اعلان کر دیا
-
کانگو میں پاکستانی امن دستے 20 سال بعد واپس جا رہے ہیں، اقوام متحدہ
-
پنجاب میں سموگ کے خاتمے کیلئے انوائرنمنٹل پروٹیکشن اتھارٹی بنانے کا فیصلہ
-
اسلام آباد ہائیکورٹ کے ججز کے خط کا معاملہ،سپریم کورٹ ازخودکیس کی سماعت30اپریل مقرر
-
مذہبی سیاحت کو فروغ دے کرسکھوں سمیت مذہبی مقامات پرغیرملکیوں کو راغب کیا جاسکتا ہے ، وفاقی وزیرداخلہ محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.