ّثمر ہارون بلور کی ایک کروڑ روپے سے زائد کی انگوٹھی چوری ،تھانہ کوہسار میں مقدمہ درج

بدھ 20 ستمبر 2023 22:50

‘ اسلام آباد (اُردو پوائنٹ اخبارتازہ ترین - آن لائن۔ 20 ستمبر2023ء) سابق وفاقی وزیر مرحوم بشیر بلور کی بہو اور عوامی نیشنل پارٹی (اے این پی) کی رہنما ثمر ہارون بلور کی قیمتی انگوٹھی چوری ہوگئی۔ اسلام آباد کے تھانہ کوہسار میں انگوٹھی چوری کا مقدمہ درج کرایا گیا ہے، ایف آئی آر کے مطابق انگوٹھی کی مالیت ایک کروڑ روپے سے زائد ہے۔

(جاری ہے)

انگوٹھی چوری کا مقدمہ ثمر ہارون بلور کی درخواست پردرج کیا گیا ہے۔

ایف آئی آر کے مطابق چار قیراط ہیرے کی انگوٹھی مرحوم شوہر ہارون بشیر بلور نے تحفے میں دی تھی، ایک فنکشن پر پہن کر گئی تھی،گھر آکر اتاری تو چوری ہوگئی، میرے گھر میں غیر متعلقہ افراد کا داخلہ نہیں ہے، پانچ ملازمین کام کرتے ہیں، ملازمین کو شامل تفتیش کرکے انگوٹھی برآمد کرائی جائے۔