پنجاب کی تاریخ میں پہلی پلاسٹک روڈبن گئی

لاہور میں جم خانہ مال روڈ سے جیل روڈ تک بننے والی ظفر علی پلاسٹک روڈ کا افتتاح کر دیا گیا

پیر 25 ستمبر 2023 19:25

لاہور (اُردو پوائنٹ اخبارتازہ ترین - آن لائن۔ 25 ستمبر2023ء) پنجاب کی تاریخ میں پہلی پلاسٹک روڈبن گئی،نگران وزیر اعلی پنجاب محسن نقوی نے آج پہلی پلاسٹک روڈ کا افتتاح کر دیا ۔وزیر اعلی محسن نقوی نے جم خانہ مال روڈسے جیل روڈ تک بننے والی ظفر علی پلاسٹک روڈ کا افتتاح کیا۔ وزیراعلیٰ محسن نقوی نے ظفر علی پلاسٹک روڈ کا معائنہ کیا اورمعیار کاجائزہ لیا ۔

وزیراعلی محسن نقوی کو پلاسٹک روڈ کے بارے میں بریفنگ دی گئی۔سیکرٹری تعمیرات ومواصلات اور یونیورسٹی آف انجینئرنگ اینڈ ٹیکنالوجی لاہور کے پروفیسرز نے پلاسٹک روڈ کی افادیت کے بارے میں بریفنگ دی۔وزیراعلیٰ محسن نقوی نے پلاسٹک روڈ کی تعمیر میں تکنیکی معاونت پر یو ای ٹی کے پروفیسرز کی خدمات کو سراہا۔محسن نقوی نے اس موقع پر میڈیا سے گفتگو کرتے ہوئے کہاکہ پلاسٹک روڈ کے کامیاب تجربے کے بعد اس کا دائرہ کار مزید بڑھایا جائے گا- ایک ماہ تک موجودہ پلاسٹک روڈ کا جائزہ لے کر مزید پلاسٹک روڈزبنائیں گے۔

(جاری ہے)

مال روڈ کو بھی پلاسٹک روڈ میں تبدیل کیا جائے گا۔پلاسٹک روڈ بارش کے پانی سے جلد ٹوٹے گی نہیں۔ پلاسٹک روڈکم ازکم 10سال تک چلتی ہے۔پلاسٹک روڈ بارش کے پانی سے ٹوٹ پھوٹ کا شکار نہیں ہوتی۔پلاسٹک روڈ پر لاگت بہت کم آئی ہے،اس سڑک کی تعمیر پر 6 کروڑ کی جگہ 2 کروڑ روپے لاگت آئی ہی- عام سڑک 6 کروڑ روپے کی بن رہی ہے جبکہ پلاسٹک روڈ 2 کروڑ روپے کی بنی ہی-جو پلاسٹک ماحولیاتی آلودگی کا باعث بن رہا تھا اسے ادھر استعمال کیا گیا ہی-وزیراعلیٰ محسن نقوی کو بریفنگ کے دوران بتایا گیاکہ پلاسٹک روڈ کے تعمیر میں استعمال شدہ شاپرز اور دیگر پلاسٹک استعمال ہوتا ہے۔

پلاسٹک روڈ اسفالٹ روڈ کے مقابلے میں دیر پا اور کم لاگت سے تیار ہوتی ہے - پلاسٹک روڈ کی دیکھ بھال کی بھی زیادہ ضرورت نہیں ہوتی۔پلاسٹک روڈ بارش کے پانی سے ٹوٹ پھوٹ کا شکار نہیں ہوتی۔صوبائی وزراء اظفر علی ناصر ، عامر میر ، سیکرٹری تعمیرات و مواصلات ، سیکرٹری اطلاعات، یو ای ٹی لاہور کے پروفیسرز ، ڈپٹی کمشنر ، ڈی جی پی آر اور متعلقہ حکام بھی اس موقع پر موجود تھی۔