Live Updates

پاکستان نے واضح کردیا اصل مسئلہ کشمیر کا ہے اوراس کا حل بہت ضروری ہے‘ اعزاز چوہدری

بھارت پاکستان کو کمزور نہ جانے، بیٹھ کر بات کرلے تو ان کے لیے بہتر ہوگا، بھارت جتنا جلدی سمجھے اس کے لیے اچھا ہے‘انٹرویو

پیر 12 مئی 2025 14:36

پاکستان نے واضح کردیا اصل مسئلہ کشمیر کا ہے اوراس کا حل بہت ضروری ہے‘ ..

اسلام آباد(اُردو پوائنٹ اخبارتازہ ترین - این این آئی۔ 12 مئی2025ء) سابق سیکرٹری خارجہ اعزاز چوہدری نے کہا ہے کہ کل کے بعد سے پاکستان نے واضح کردیا کہ اصل مسئلہ کشمیر کا ہے اور مسئلہ کشمیر کا حل بہت ضروری ہے۔

(جاری ہے)

نجی ٹی وی کے پروگرام میں گفتگو کرتے ہوئے سابق سیکرٹری خارجہ اعزاز چوہدری نے کہا کہ جموں وکشمیر میں 93 فیصد مسلمان آبادی تھی، گہری سازش کے تحت جموں کشمیر کا علاقہ پاکستان سے لیاگیا لیکن کل کے بعد سے پاکستان نے واضح کردیا کہ اصل مسئلہ کشمیر کا ہے اور مسئلہ کشمیر کا حل بہت ضروری ہے۔

انہوں نے کہا کہ پاکستان کا جواب دیکھ کر بھارت خوفزدہ ہوا، بھارت پاکستان کو کمزور نہ جانے، بیٹھ کر بات کرلے تو ان کے لیے بہتر ہوگا، بھارت جتنا جلدی سمجھے اس کے لیے اچھا ہے۔سابق سیکرٹری خارجہ کا کہنا تھا کہ امن ایک پراسس ہے اوربات چیت سے بہت سے مسائل حل ہوجاتے ہیں، بھارت کو مذاکرات کی میز پر آنا چاہیے، بھارت کو چاہیے کہ انڈس واٹر ٹریٹی کی معطلی کو رول بیک کرے ، بھارت کو اندازہ ہوجانا چاہیے کہ کشمیری ان کے ساتھ نہیں رہنا چاہتے۔