موٹروے پولیس کی بروقت طبی امداد کی فراہمی،مسافر کی جان بچا لی گئی

منگل 26 ستمبر 2023 20:34

اسلام آباد(اُردو پوائنٹ اخبارتازہ ترین - آن لائن۔ 26 ستمبر2023ء) موٹروے پولیس کی بروقت طبی امداد کی فراہمی سے مسافر کی جان بچا لی گئی۔ تفصیلات کے مطابق دوران موٹروے پولیس نے پٹرولنگ ایم ون چارسدہ کے قریب ایک گاڑی سڑک کے کنارے کھڑی دیکھی، مدد کی غرض سے جب گاڑی کے قریب پہنچے تو دیکھا کہ گاڑی میں ایک ہی ڈرائیور موجود تھا جو نیم بے ہوشی کی حالت میں شدید تکلیف میں مبتلا تھا۔

(جاری ہے)

معاملے کو سنگینی کو جانتے ہوئے موٹروے پولیس نے فل فور اس شخص کو ایمبولینس کے ذریعے مردان میڈیکل کمپلیکس منتقل کیا ،جہاں اسے ضروری طبی امداد فراہم کی گئی۔ ڈاکٹروں کے مطابق بروقت طبی امداد فراہم کرنے سے مریض کی حالت خطرے سے باہر ہے۔ مذکورہ32 سالہ شخص اسلام آباد کا رہائشی ہے اور اسلام آباد سے پشاور کی جانب اپنی ذاتی گاڑی میں اکیلے سفر کر رہا تھا اور دوران سفر ہائیپوگلائسیمیا کا شکار ہو گیا تھا ۔