پرویز الٰہی کوکسیز میں ڈسچارج کرنے کیخلاف درخواست پر فیصلہ محفوظ

مجسٹریٹ کو اختیار نہیں وہ ملزم کو ڈسچارج کرے‘وکیل اینٹی کرپشن کے ہائیکورٹ میں دلائل

جمعرات 28 ستمبر 2023 16:54

پرویز الٰہی کوکسیز میں ڈسچارج کرنے کیخلاف درخواست پر فیصلہ محفوظ

لاہور (اُردو پوائنٹ اخبارتازہ ترین - این این آئی۔ 28 ستمبر2023ء) لاہور ہائیکورٹ نے سابق وزیراعلیٰ پنجاب پرویز الٰہی کواینٹی کرپشن کے مقدمات میں ڈسچارج کرنے کے خلاف درخواست پر فیصلہ محفوظ کرلیا ۔لاہور ہائی کورٹ کے جسٹس سلطان تنویز نے سابق وزیراعلی کو مقدمات میں ڈسچارج کرنے کے خلاف اینٹی کرپشن کی درخواست پر کی۔

(جاری ہے)

اینٹی کرپشن کے وکیل نے مقف اپنایا کہ جوڈیشل مجسٹریٹ نے 3 مقدمات میں پرویز الٰہی کو ڈسچارج کیا، مجسٹریٹ کو اختیار نہیں وہ ملزم کو ڈسچارج کرے لہٰذا عدالت پرویز الٰہی کو ڈسچارج کرنے کا فیصلہ کالعدم قرار دے۔

دوسری جانب پرویز الٰہی کے وکیل نے کہا کہ جوڈیشل مجسٹریٹ کو مکمل اختیار ہے کہ شواہد نہ ہونے پر کسی کو ڈسچارج کر سکے، سابق وزیراعلیٰ تین ماہ سے جیل میں ہیں مگر اینٹی کرپشن نے انکوائری کیوں نہیں کی۔بعدازاں لاہور ہائی کورٹ نے پرویز الٰہی کو کیسز سے ڈسچارج کرنے کے خلاف اینٹی کرپشن کی درخواست پر فیصلہ محفوظ کرلیا۔