معصوم انسانوں کا قتل سنگین دہشتگردی ہے ، بلاول بھٹو زر داری اور آصف علی زرداری کی مستونگ میں بم دھماکے کی مذمت

ہفتہ 30 ستمبر 2023 12:50

اسلام آباد (اُردو پوائنٹ اخبارتازہ ترین - این این آئی۔ 30 ستمبر2023ء) چیئر مین پاکستان پیپلز پارٹی بلاول بھٹو زرر داری اور سابق صدر آصف علی زرداری نے مستونگ میں بم دھماکے کی مذمت کی ہے ۔ اپنے بیان میں آصف علی زرداری نے معصوم انسانوں کی جانوں کے نقصان پر اظہار افسوس کیا ۔آصف علی زرداری نے مستونگ میں بم دھماکے میں شہید ہونے والوں کے لواحقین سے ہمدردی اور تعزیت کا اظہار کیا ۔

(جاری ہے)

آصف علی زرداری نے زخمیوں کی جلد صحت یابی کیلئے دعا ء کی ۔چیئرمین پیپلزپارٹی بلاول بھٹو زرداری نے مستونگ میں بم دھماکے کی مذمت کرتے ہوئے کہا کہ معصوم انسانوں کا قتل سنگین دہشتگردی ہے ۔ بلاول بھٹو زر داری نے کہاکہ بم دھماکے کے مجرموں اور منصوبہ سازوں کو سخت سزا دی جائے ۔بلاول بھٹو زرداری نے شہداء کے لواحقین سے ہمدردی اور تعزیت کا اظہار کیا ۔بلاول بھٹو زرداری نے زخمیوں کی جلد صحت یابی کیلئے دعا ء کی ۔