لاہور (اُردو پوائنٹ اخبارتازہ ترین - آن لائن۔ 02 اکتوبر2023ء)
دنیا وآخرت میں کامیابی حاصل کرنے کیلئے آنحضرتؐ کی تعلیمات پر عمل کرنے کے سوا اور کوئی راستہ نہیں ہے۔ محبت رسولؐ کا تقاضا ہے کہ ہم نبی کریمؐ کی تعلیمات پر عمل کریں۔ میلاد النبیؐ کی خوشی کے موقع پر شریعت کے منافی کوئی کام نہ کریں۔ آج ہمیں جن مسائل کا سامنا ہے اس کی اصل وجہ دین اسلام سے دوری اور آپؐ کی تعلیمات پر عمل پیرا نہ ہونا ہے۔
اگر ہم اپنی زندگی کو سیرت نبویؐ کے سانچے میں ڈھال لیںتومعاشرہ سے تمام برائیوں کا خاتمہ ہوسکتاہے۔ ان خیالات کا اظہار مقررین نے ایوان کارکنان تحریک پاکستان‘
لاہور میں ادارہٴ نظریہٴ
پاکستان اور ادارہٴ تحریکِ
پاکستان کے اشتراک سے منعقدہ دوروزہ سیرت النبیؐ کانفرنس کے پہلے روز کیا۔
(جاری ہے)
کانفرنس کا آغاز تلاوت قرآن مجید‘ نعت رسول مقبولؐ اور قومی ترانہ سے ہوا۔
تلاوت کی سعادت قاری خالد محمود نے حاصل کی جبکہ بارگاہ رسالت مآبؐ میں گلہائے عقیدت اریج
ریاض اور محمد شعیب خالد نے پیش کئے۔ نظامت کے فرائض محمدحافظ عثمان احمد نے انجام دیئے۔ سجادہ نشین حضرت میاں میرؒ پیر سید ہارون
علی گیلانی نے کہاکہ نبی کریمؐ سے محبت کا اولین تقاضا آپؐ کی تعلیمات پر عمل پیرا ہونا ہے۔ اگر ہم آپؐ کے احکامات کی اطاعت نہیں کرتے تو ہمارا محبت کا دعویٰ جھوٹا ہے۔
نبی کریمؐ نے ہمیں جھوٹ بولنے سے منع فرمایا لیکن اکثریت اس پر عمل نہیں کررہی ہے، ہم دیکھ رہے ہیں کہ
سوشل میڈیا کے ذریعے بھی جھوٹ کو پھیلایا جا رہا ہے۔ اب تو سچی اور جھوٹی خبر کے درمیان فرق کرنا مشکل ہو گیا ہے۔انہوں نے کہا میلاد النبیؐ کے نام پر نوجوانوں کے بعض گروہ جو طوفانِ بدتمیزی برپا کرتے ہیں اسے روکنا چاہئے‘ بدقسمتی سے یہ نوجوان اسے شغل میلہ سمجھ رہے ہیں حالانکہ یہ بڑا بابرکت دن ہے اور ذرا سی بے ادبی آپ کیلئے وبال بن سکتی ہے۔
نبی کریمؐ پر زیادہ سے زیادہ درود بھیجیں۔ سیکرٹری اوقاف و مذہبی امور
حکومت پنجاب ڈاکٹر سید طاہر رضا بخاری نے کہا کہ نبی کریمؐ نے فرمایا کہ جو چیز اپنے لیے پسند کرو وہی اپنے دوسرے بھائی کیلئے بھی پسند کرو۔ اگر ہم صرف اس ایک اصول کو انفرادی اور اجتماعی طور پر اپنا لیں تو معاشرہ میں موجود بگاڑ ختم ہو سکتا ہے۔نبی کریمؐ کی پیروی کرتے ہوئے کبھی جھوٹ نہ بولیں ‘ انہوں نے اپنے اعلیٰ کردار کے ذریعے لوگوں کے دلوں میں گھر کر لیا۔
لوگ آپ کو صادق اور امین کے نام سے پکارتے تھے۔ پیارے نبی کریمؐ نے سلام کو عام کرنے‘ بھوکوں کو کھانا کھلانے‘خوانی رشتوں کی پاسداری کرنے اور رات کو اٹھ کو اللہ کے حضور گڑگڑانے کا حکم دیا۔ اُسوہ حسنہ سے ہمیں یہی سبق ملتا ہے کہ لوگوں کیلئے آسانیاں پیدا کرو۔ مرکزی رہنما
جماعت اسلامی ڈاکٹر فرید احمد پراچہ نے کہا اللہ تعالیٰ نے ہمیں
A بیشمار نعمتوں سے نواز رکھا ہے ۔
نبی کریمؐ کی اس
دنیا میں آمد اللہ تعالیٰ کا احسانِ عظیم ہے۔ آپؐ نے انسان کو انسانیت سیکھائی ، بتوں کے آگے سجدہ کرنیوالوں کو ایک اللہ کی طرف بلایا۔ آپؐ سراپا رحمت ہیں۔ اللہ تعالیٰ نے حضور پاکؐ کو تمام جہانوں کیلئے رحمت بنا کر بھیجا ہے۔ آپؐ نے انسانیت کو جہالت کی تاریکیوں سے نکالا ۔
دنیا وآخرت کی کامیابی کیلئے ہمیں آپؐ کی تعلیمات پر عمل کرنا چاہئے۔
چیف کوآرڈی نیٹرنظریہٴ
پاکستان فورم چترال رضیت باللہ نے کہا کہ نبی اکرمؐ کی حیات طیبہ ہم سب کیلئے مشعل راہ ہے۔ ارشاد باری تعالیٰ ہے کہ نبی کریمؐ کا اسوہ تمہارے لیے بہترین نمونہ ہے۔ نبی پاکؐ کے امتی ہونے کے ناطے ہمارا فرض ہے کہ حضور اکرمؐ کی تعلیمات پر عمل پیرا ہوں۔سیکرٹری ادارہٴ نظریہٴ
پاکستان ناہید عمران گل نے کہانبی کریم ؐ کا اُسوہٴ حسنہ تمام مسلمانوں بلکہ پوری انسانیت کے لیے مشعل راہ ہے۔
ہم پر لازم ہے کہ رسولِ کریمؐ کے اسوہٴ حسنہ کو اپنے فکر وعمل کا مرکز بنا لیں کیونکہ ہمیں لاحق تمام مسائل و مشکلات کا حل آپ ؐ کی تعلیمات پر عمل کرنے میں ہے۔ ڈپٹی سیکرٹری ادارہٴ تحریک
پاکستان حافظ عثمان احمد نے کہا کہ اللہ تعالیٰ کا ارشاد ہے کہ تمہارے لیے نبی پاکؐ کی زندگی میں بہترین نمونہ ہے۔نبی کریمؐ کی ذات کامل و اکمل ہے۔ہمیں زندگی کے ہر معاملے میں رہنمائی کیلئے آپؐ کی ذات مبارکہ کو دیکھنا ہو گا۔
