کراچی(اُردو پوائنٹ اخبارتازہ ترین - این این آئی۔ 02 اکتوبر2023ء) نگران صوبائی وزیر بلدیات، ہائوسنگ ٹائون پلاننگ و بحالیات
سندھ محمد مبین جمانی نے کہا ہے کہ
میرا کوئی سیاسی تعلق کسی بھی جماعت سے نہیں ہے اور میں نے ہر کام عوام کے مفاد میں کرنے کا عزم کیا ہے،
کراچی میں ٹائونز کی سطح پر ٹرانزیشن کا عمل مکمل کرلیا گیا ہے اور آئندہ ایک ماہ کے اندر اندر یوسی کی سطح پر بھی فنڈز کی یوسی چیئرمین کو منتقلی کا کام مکمل کرلیا جائے گا، گڈاپ ٹائون میں مویشیوں کے حوالے سے ماضی میں 16 سے 21 کروڑ روپے کے بندرباٹ پر مشتمل ٹینڈرز کی بجائے اس بار اوپن ٹینڈر سے یہ رقم اب 5 ارب 8 کروڑ روپے ہوئی ہے۔
ان خیالات کا اظہار انہوں نے پیر کے روز
جماعت اسلامی کراچی کے امیر حافظ نعیم الرحمان کی قیادت میں آنے والے وفد سے ملاقات کے دوران کیا۔
(جاری ہے)
اس موقع پر ایڈیشنل چیف سیکرٹری منظور شیخ بھی موجود تھے۔ وفد میں جماعت اسلامی کے سٹی ڈسٹرکٹ کونسل کراچی کے پارلیمانی لیڈر سیف الدین، ڈپٹی پارلیمانی لیڈر قاضی صدر الدین اور زاہد عسکری شامل تھے۔ ملاقات میں بلدیاتی نظام بالخصوص کراچی میں ٹائونز و یوسی کو درپیش مسائل، ٹرانزیشن کے اشیوز، ڈی ڈی او کو چیئرمینز کر زیر انتظام کرنے، واٹر بورڈ، سندھ سولڈ ویسٹ سمیت دیگر کے حوالے سے تفصیلی بات چیت ہوئی۔
اس موقع پر نگران صوبائی وزیر محمد مبین جمانی نے کہا کہ ہم نے جب سے نگران وزارت کا حلف اٹھایا ہے ہماری کوشش ہے کہ ہم جو کچھ کریں ایماندارانہ طور پر کریں۔ انہوں نے کہا کہ
میرا کوئی سیاسی تعلق کسی بھی جماعت سے نہیں ہے اور میں نہ ہر کام عوام کے مفاد میں کرنے کا عزم کیا ہے۔ مبین جمانی نے کہا کہ
بلدیاتی اداروں میں گھوسٹ ملازمین کے خلاف ایکشن شروع کردیا ہے تاکہ یوسی اور ٹائون کے ملنے والے فنڈز عوام کے کاموں پر خرچ ہوسکیں۔
محمد مبین جمانی نے کہا کہ واٹر بورڈ کی جانب سے شہر میں 350 سے زائد غیر قانونی واٹر ہائیڈرینٹ میں سے 100 سے زائد کو مکمل طور پر ختم کردیا گیا ہے جبکہ شہر میں غیر قانونی تعمیرات کے خلاف بھی روزانہ کی بنیاد پر ایکشن جاری ہے۔ مبین جمانی نے مزید کہا کہ
کراچی میں ٹائونز کی سطح پر ٹرانزیشن کا عمل مکمل کرلیا گیا ہے اور آئندہ ایک ماہ کے اندر اندر یوسی کی سطح پر بھی فنڈز کی یوسی چیئرمین کو منتقلی کا کام مکمل کرلیا جائے گا۔
مبین جمانی نے مزید کہا کہ صورتحال کی سنجیدگی کا اندازہ اس بات سے لگایا جاسکتا ہے کہ
کراچی میں ملیر گڈاپ ٹائون میں مویشیوں کے حوالے سے کئی برسوں سے ٹینڈرز ہوتے رہے لیکن یہ سارے ملی بھگت سے ہوتے رہے اس بار جب میں نے اس حوالے سے واضح طور پر اس کے ٹینڈر کو اوپن ٹینڈر کروایا تو 16 سے 21 کروڑ روپے کے بندر بانٹ والے ٹینڈر اس بار 5 ارب 8 کروڑ روپے میں ہوا ہے اور یہ رقم جو سالہا سال سے ملی بھگت سے ادھر ادھر کی جاتی رہی ہے یہ رقم اب عوامی فلاح پر خرچ کی جائے گی۔
انہوں نے کہا کہ جب تک عوامی نمائندے خود اس بات میں سنجیدہ نہیں ہوں گے کہ عوام کے لئے کچھ کرنا ہے تو ہم کامیاب نہیں ہوسکیں گے۔ اس موقع پر
جماعت اسلامی کی جانب سے سولڈ ویسٹ مینجمنٹ بورڈ کو ٹائونز کے ماتحت کرنے پر محمد مبین جمانی نے کہا کہ سولڈ ویسٹ کے نظام کو ٹائونز کے ماتحت کرنے کے حوالے سے قانون اور میکنزم کو دیکھنا ہوگا۔ انہوں نے کہا کہ ہم جب سے آئے ہیں ہماری ایک ہی کوشش ہے کہ ہر کام ایمانداری اور عوامی مفاد میں ہو۔
غیر قانونی عمارتوں کی تاحال تعمیرات کے
جماعت اسلامی کے تحفظات پر صوبائی وزیر محمد مبین جمانی نے کہا کہ آج ہی یہ احکامات جاری کردیں گے جو بھی زیر تعمیر عمارت ہو وہ اپنی
این او سی اس عمارت پر چسپاں کرے۔ اس موقع پر امیر
جماعت اسلامی حافظ نعیم الرحمان نے کہا کہ وقت ٹائونز اور یوسی کے مسائل بہت زیادہ ہیں اور عوام ہم سے امیدیں وابستہ کئے ہوئے ہیں ۔
حافظ نعیم الرحمان نے کہا کہ یوسیز کے
انتخابات اور ٹائونز بن جانے کے باوجود ابھی تک فنڈز ان کو ٹرانسفر نہیں کئے گئے ہیں یہاں تک کہ نئی یوسیز بننے کے باوجود تمام امور کالعدم یوسیز کے پاس ہیں۔ حافظ نعیم الرحمان نے کہا کہ
جماعت اسلامی کے لئے کوئی افسر پسندیدہ یا ناپسندیدہ نہیں البتہ ہماری کوشش ہے کہ جو افسران تعینات ہوں وہ ایماندارانہ طریقے سے خدمات انجام دیں۔
حافظ نعیم الرحمان نے نگران صوبائی وزیر محمد مبین جمانی سے مطالبہ کہا کہ یوسی کے او زی ٹی شئیرز کو تنخواہوں اور ترقیاتی کاموں کے لئے علیحدہ علیحدہ مختص کئے جائیں اور ان میں اضافہ کیا جائے۔ حافظ نعیم الرحمان نے کہا کہ ڈی ڈی اوز کو ٹائونز چیئرمین کے ماتحت کیا جائے تاکہ ترقیاتی کاموں میں درپیش رکاوٹیں ختم ہوں۔
