پیپلزپارٹی نے مسلم لیگ ن کی اہم وکٹ اڑا دی

ن لیگ کے سینئر رہنما نے پیپلزپارٹی میں شمولیت کا اعلان کر دیا

دانش احمد انصاری منگل 10 اکتوبر 2023 21:23

پیپلزپارٹی نے مسلم لیگ ن کی اہم وکٹ اڑا دی

کراچی(اُردو پوائنٹ اخبارتازہ ترین ۔ 10 اکتوبر2023ء) پیپلزپارٹی نے پاکستان مسلم لیگ ن کی اہم وکٹ اڑا دی۔ ن لیگ کے سینئر رہنما جاوید ارسلان خان نے پی پی میں شمولیت کا اعلان کر دیا۔ تفصیلات کے مطابق جاوید ارسلان خان نے پیپلزپارٹی کراچی کے صدرو سینیٹر سعید غنی سے ملاقات کی، اس موقع پر سابق ن لیگی رہنما نےکہا کہ پاکستان پیپلز پارٹی کی عوامی خدمات کو دیکھ کر پارٹی میں شمولیت اختیارکررہاہوں۔

انکامزید کہنا تھا کہ پاکستان مسلم لیگ ن نے اقتدار میں بھی آکر کبھی صوبہ سندھ پرتوجہ نہیں دی جس کی وجہ سےآج کارکن پارٹی سے مایوس ہو چکے ہیں۔ پیپلز پارٹی کراچی کے صدر سعید غنی نے جاوید ارسلان خان کا پارٹی میں ویلکم کیا۔ ادھر پی ٹی آئی ضلع میانوالی کے صدر سلیم گل نے بھی پارٹی چھوڑنے کا اعلان کردیا ہے۔

(جاری ہے)

میانوالی میں سلیم گل نے 5 ماہ کی روپوشی کے بعد نیوز کانفرنس کی اور پارٹی چھوڑنے کا اعلان کیا۔

سلیم گل نے کہا کہ 9 مئی کے واقعات پارٹی قیادت کی طرف سے کی گئی ذہن سازی کا نتیجہ تھے۔ سلیم گل نے مزید کہا کہ چیئرمین پی ٹی آئی کو کچھ مفاد پرست لوگوں کی طرف سے گمراہ کیا گیا۔ 9 مئی کے واقعات کی مذمت اور پی ٹی آئی چھوڑنے کا اعلان کرتا ہوں۔ یاد رہے اس سے پہلے عثمان ڈار اور صداقت عباسی نے بھی پی ٹی آئی چھوڑنے کااعلان کیا تھا۔