پولیس نے ناجائز اسلحہ رکھنے والے 6ملزمان ، 2 منشیات فروشوں کو گرفتارکرلیا

پیر 23 اکتوبر 2023 14:51

راجن پور (اُردو پوائنٹ اخبارتازہ ترین - اے پی پی۔ 23 اکتوبر2023ء) ایس ایچ او تھانہ سٹی جام پور محمد اختر خان ہجبانی نے پریس کانفرنس میں بتایاکہ ڈی پی او راجن پور کیپٹن (ر)دوست محمد کھوسہ کی ہدایت پر کاروائی کرتے ہوئے اسلحہ ناجائز رکھنے پر ملزم فیاض احمدانی کو رنگے ہاتھوں گرفتار کر کے کلاشنکوف برآمد کی، جس کیخلاف مقدمہ نمبر 1611/13 درجکرلی گئی۔

جبکہ اسلحہ ناجائز رکھنے پر 5 دیگر ملزمان واجد بھٹہ۔ ریاض رڑونجہ۔ شاہد کھتڑا۔

(جاری ہے)

یوسف کھتڑا اور عباس لسکانی کو رنگے ہاتھوں گرفتار کر کے 5 عدد پسٹل 30 بور برآمد کیں جن کے خلاف الگ الگ مقدمات درج کر لی گئی ہیں۔ محمد اختر ہجبانی نے بتایاکہ منشیات فروشوں کے خلاف کریک ڈون کرتے ہوئے بدنام زمانہ منشیات فروش شکیل کو 2 کلو چرس سمیت گرفتار کیا گیا جبکہ ملزم طلحہ لاشاری کو گرفتار کرکے اس سے 20 کلو بھنگ برآمد ہوئی، دونوں ملزمان کے خلاف الگ الگ مقدمات درج کرلیئے گئے ہیں۔

انہوں نے کہاکہ جرائم کے سوفیصد خاتمہ کیلئے پولیس دن رات کوشاں ہے، علاقہ سے منشیات جیسی لعنت کے خاتمہ اور ناجائز اسلحہ رکھنے والوں کیخلاف کریک ڈائون جاری ہے، جلد علاقہ سے جرائم کی شرح میں یقینی کمی کے ٹاسک پر پورا اتریں گے۔\378