بیٹے عاصم جمیل کے انتقال پر مولانا طارق جمیل کا ردعمل آ گیا

گزارش ہے اس غم کے موقع پر ہمیں اپنی دعاؤں میں یاد رکھیں، اللہ میرے فرزند کو جنت الفردوس میں اعلیٰ مقام عطا فرمائے، مولانا طارق جمیل

دانش احمد انصاری اتوار 29 اکتوبر 2023 21:14

ملتان (اُردو پوائنٹ اخبارتازہ ترین۔ 29 اکتوبر2023ء) بیٹے عاصم جمیل کے انتقال پر مولانا طارق جمیل کا ردعمل آ گیا۔ تفصیلات کے مطابق معروف مبلغ و عالم دین مولانا طارق جمیل کے بیٹے عاصم جمیل گولی لگنے سے جاں بحق ہو گئے۔ پولیس کے مطابق مولانا طارق جمیل کےصاحبزادے عاصم جمیل گولی لگنےسےجاں بحق ہوگئے ہیں اور ان کی میت تلمبہ اسپتال منتقل کر کے واقعے کی تحقیقات شروع کر دی ہیں۔

اس حوالے سے آر پی او ملتان سہیل چوہدری کا کہنا ہے کہ عاصم جمیل کو سینے پر گولی لگی ہے۔

(جاری ہے)

انا للہ وانا الیہ راجعون

آج تلمبہ میں میرے بیٹے عاصم جمیل کا انتقال ہوگیا ہے. اس حادثاتی موت نے ماحول کو سوگوار بنا دیا۔ آپ سب سے گزارش ہے کہ اس غم کے موقع پر ہمیں اپنی دعاؤں میں یاد رکھیں. اللہ میرے فرزند کو جنت الفردوس میں اعلیٰ مقام عطا فرمائے۔
— Tariq Jamil (@TariqJamilOFCL) October 29, 2023

بیٹے عاصم جمیل کے انتقال پر مولانا طارق جمیل نے سماجی رابطوں کی ویب سائٹ ایکس پر اپنی ایک پوسٹ میں کہا ہے کہ آج تلمبہ میں میرے بیٹے عاصم جمیل کا انتقال ہو گیا ہے اس حادثاتی موت نے ماحول کو سوگوار بنا دیا۔ انہوں نے کہا کہ گزارش ہے اس غم کے موقع پر ہمیں اپنی دعاؤں میں یاد رکھیں اللہ میرے فرزند کو جنت الفردوس میں اعلیٰ مقام عطا فرمائے۔