غزہ میں اسرائیلی جارحیت اقوام متحدہ کی ناکامی ہی: سنی علما کونسل

مسلم حکمران اسرائیلی جار حیت کیخلاف اپنی فو جین فلسطین بھیجیں:مولانا حافظ حسین احمد

ہفتہ 25 نومبر 2023 22:31

لاہور(اُردو پوائنٹ اخبارتازہ ترین - آن لائن۔ 25 نومبر2023ء) صدر سنی علما کونسل لاہور وصوبائی ترجمان مولانا حافظ حسین احمدنے کہا ہے کہ غزہ میں اسرائیلی جارحیت اقوام متحدہ کی ناکامی ہے، اسرائیل کے بدترین جنگی جرائم میں امریکہ، برطانیہ، فرانس جرمنی براہ راست شامل ہیں، مسلم حکمران اسرائیلی جار حیت کیخلاف اپنی فو جین فلسطین بھیجیں۔

(جاری ہے)

اپنے جاری بیان میں انہو ں نے کہا کہ فلسطین پر فلسطینیوں کا حق ہے لیکن عالمی طاقتیں مسئلہ فلسطین کے دوریاستی حل کیلئے زور لگا رہی ہے جو نہ صرف کھلی بد یتی ہے بلکہ فلسطینیوں کا حق نصب کرنے کی سازش ہے انہوں نے کہا کہ ناصب اسرائیل کی پشت پناہی کرنے والی عالمی طاقتیں بھی غزہ میں فلسطینی مسلمانوں کی جان و مال کے نقصان میں شریک ہیں دوسری طرف عالمی طاقتوں کے دہائی کی وجہ سے نئی اسرائیلی جارحیت پر مسلم ممالک اس انداز سے نہیں بول رہے ہیں جیسے انہیں بولنا چاہیے تا ہم اسرائیل اور اس کے پشت پناہ اور حمایتی عالمی طاقتوں کے عزائم کو امت مسلمہ اپنے و اپنے اتحاد سے نا کام بنادے گی اور وہ وقت دور نہیں جب قابض اسرائیل کی صہیونی فوج کو چھپنے کی کئی جگہ نہیں ملے گی۔