کمشنر لورالائی ڈویژن کی زیر صدارت سرکاری محکموں کے ذمہ کیسکو واجبات بارے اجلاس

منگل 28 نومبر 2023 17:34

لورالائی (اُردو پوائنٹ اخبارتازہ ترین - اے پی پی۔ 28 نومبر2023ء) کمشنر لورالائی ڈویژن بالاچ عزیز کی زیر صدارت سرکاری محکموں کے ذمہ کیسکو واجبات کے حوالے سے اجلاس منعقد ہوا جس میں ڈپٹی کمشنر لورالائی سجاد اسلم بلوچ ،سپرنٹنڈنگ انجینئر کیسکو لورالائی سرکل سید عبداللہ شاہ ،سپرنٹںڈنگ انجینئر پی ایچ ای عبدالغفور مری ڈویژنل ڈائریکٹر ایجوکیشن کلیم اللہ اور دیگر تمام سرکاری محکموں کے ڈویژنل و ضلعی آ فسران نے شرکت کی۔

اجلاس میں سرکاری محکموں کے ذمہ واجبات کے حوالے غور کیا گیا ، کمشنر آ فس، ڈپٹی کمشنر آ فس سمیت تمام محکموں کے بقایاجات کی تفصیل پیش کی گئی ۔سپرنٹنڈنگ انجنئیر کیسکو سید عبداللہ شاہ نے کہا کہ سب سے زیادہ بقایاجات محکمہ پی ایچ ای کے ذمہ ہیں جو تقریباً 80 کروڑ سے بھی زائد ہیں، دیگر محکموں پربھی بقایاجات ہیں جن کو بارہا جمع کرنے کی اطلاع دی گئی ہے لیکن پھر بھی کروڑوں روپے کے بلز ہیں جو ابھی تک جمع نہیں ہوئے ہیں۔

(جاری ہے)

انہوں نے کہا جس بھی محکمہ کا کوئی مسئلہ یا اعتراض ہے تو وہ بتائیں اس کی شکایت دور کی جائے گی ۔کمشنر لورالائی ڈویژن بالاچ عزیز نے شرکاء سے کہا کہ تمام سرکاری محکمے کیسکو کی واجبات جمع کریں جتنا بجٹ دستیاب ہیں وہ پے کرو مزید اپنے ڈیپارٹمنٹ سے ڈیمانڈ کرو۔ انہوں نے کیسکو حکام سے کہا کہ سب کو ایک موقع دے دو کہ وہ اپنے بقایاجات جمع کریں۔ اگر انہوں نے واجبات جمع نہیں کئے تو بھر بعد میں ان کے کنکشن منقطع کر یں ۔اجلاس میں بعض محکموں کے اسران نے غلط ریڈنگ ،اوور بلنگ اور میٹر کے بغیر بل کی شکایت کی جس پرکمشنر نے مل بیٹھ کر مسائل حل کرنے کی ہدایت کی ۔\378