51 ویں قومی اتھلیٹکس چیمپئن شپ میں نیا ٹیلنٹ سامنے آسکتا ہے، چوہدری اصغرگل

بدھ 29 نومبر 2023 16:52

اسلام آباد (اُردو پوائنٹ اخبارتازہ ترین - این این آئی۔ 29 نومبر2023ء) قومی اتھلیٹکس ٹیم کے ہیڈ کوچ چوہدری اصغر گل نے کہا ہے کہ 51 ویں قومی اتھلیٹکس چیمپئن شپ میں نیا ٹیلنٹ سامنے آسکتا ہے۔

(جاری ہے)

پاکستان اتھلیٹکس فیڈریشن کے زیر اہتمام 51 ویں قومی، 5 ویں یوتھ اینڈ جونیئر اتھلیٹکس چیمپئن شپ 2 دسمبر سے 8 دسمبر تک کھیلی جائیگی۔ چیمپئن شپ میں ملک بھر سے چودہ ٹیموں کے مرد اور خواتین کھلاڑی حصہ لے رہے ہیں۔ جن میں پاکستان آرمی، پاکستان ائیر فورس، پاکستان نیوی، پاکستان واپڈا، پاکستان ریلوے، پاکستان پولیس، ہائر ایجوکیشن کمیشن، پنجاب، سندھ، بلوچستان، سندھ، اسلام آباد، آزاد جموں و کشمیر اور گلگت بلتستان کی ٹیمیں شامل ہیں۔