نوازشریف کی سمیع اللہ والے کیس میں صرف سپریم کورٹ کا لارجر بینچ ہی سزا ختم کرسکتا ہے، بابراعوان

جمعہ 1 دسمبر 2023 22:29

اسلام آباد(اُردو پوائنٹ اخبارتازہ ترین - آن لائن۔ 01 دسمبر2023ء) پی ٹی آئی کے وکیل بابر اعوان نے کہا ہے کہ نوازشریف کی سمیع اللہ والے کیس میں صرف سپریم کورٹ کا لارجر بینچ ہی سزا ختم کرسکتا ہے۔5 ججز کے فیصلے کو ختم کرنے کے لیے 7 ججز کا فیصلہ چاہیے۔ اسلام آباد ہائیکورٹ کے باہر میڈیا سے گفتگو کرتے ہوئے بابر اعوان کا کہنا تھا کہ پارٹی کی کور کمیٹی نے انٹرا پارٹی انتخابات سے متعلق اطمینان کیا۔

انٹرا پارٹی الیکشن کیلئے کاغذات جمع کرائے گئے ہیں اور انتخابات آج ( ہفتہ )کو ہو جائیں گے۔بابر اعوان کا کہنا تھا کہ نوازشریف کو سمیع اللہ والے کیس میں سپریم کورٹ نے نااہل کیا ہے۔اور اس کیس میں صرف سپریم کورٹ کا لارجر بینچ ہی سزا ختم کرسکتا ہے۔5 ججز کے فیصلے کو ختم کرنے کے لیے 7 ججز کا فیصلہ چاہیے۔

(جاری ہے)

لیگی قائد کے کیس میں بھی ان کے وکلا نے رویو فائل کیا جو خارج کردیا گیا۔

بابر اعوان نے کہا کہ ہم ہر سیٹ سے لڑیں گے اور سربراہ پی ٹی آئی خود امیدوار ہوں گے۔ آئین میں لکھا ہے قومی اسمبلی کی 342 سیٹیں ہوں گی لیکن انہوں نے پانچ اڑا دیں۔یہ صوبائی خود مختاری میں مداخلت ہے جو نہیں ہونی چاہیے۔انہو نے مزید کہا کہ آئین کے مطابق فاٹا کو خصوصی توجہ اور خصوصی رعایت ملنی چاہیے۔فاٹا کے لوگ نواز شریف کو ووٹ نہیں دیں گے۔ کیوں کہ ان کے ساتھ زیادتی کی گئی ہے۔