نوازشریف کو چاہیئے کہ عوام کو بتائیں ان کی سوچ کیا ہے؟

ووٹ کو عزت دینے کا مطلب ملک آئین کے مطابق چلےگا، کسی غیرآئینی معاملے کا حصہ بنیں گے تو خرابی پیدا ہوگی، ماضی کی طرح الٹے سیدھے مقدمے بنا کر عدلیہ سے سزائیں دلائی گئیں تو خرابی پیدا ہوگی۔سابق وزیراعظم شاہد خاقان عباسی

ثنااللہ ناگرہ ہفتہ 2 دسمبر 2023 21:31

لاہور (اردوپوائنٹ اخبارتازہ ترین ۔ 02 دسمبر 2023ء) سابق وزیراعظم شاہد خاقان عباسی نے کہا ہے کہ نوازشریف کو چاہیئے کہ عوام کو بتائیں ان کی سوچ کیا ہے؟ ووٹ کو عزت دینے کا مطلب ملک آئین کے مطابق چلے گا، کسی غیرآئینی معاملے کا حصہ بنیں گے تو خرابی پیدا ہوگی ،ماضی کی طرح الٹے سیدھے مقدمے بنا کر عدلیہ سے سزائیں دلائی گئیں تو خرابی پیدا ہوگی۔

انہوں نے نجی ٹی وی سے گفتگو کرتے ہوئے کہا کہ الیکشن کے ممکنہ خرابی کا حصہ نہ بننے کیلئے الیکشن نہیں لڑ رہا، انتخابات فیئر ہوئے اور انگلی نہ اٹھی تو معاملہ آگے چل سکتا ہے، آگے کے راستے کا تعین نہ کیا تو حکومت چلانا مشکل ہوگا ۔ انہوں نے کہا کہ سب کو بیٹھ کر فیصلہ کرنا چاہیے کہ ملک میں کیا تبدیلی کرنے کی ضرورت ہے۔ اگرپہلے سے یہ تاثر ہو کہ کوئی فیورٹ ہے تو اس الیکشن میں ابہام پیدا ہوتا ہے، اگر ہم فیورٹ کی بات کرتے ہیں تو مطلب الیکشن شفاف نہیں ہوں گے، سیاسی جماعتیں ایک دوسرے پر الزامات لگاتی ہیں کہ وہ فیورٹ ہوگئی ہے، شاید سب کو فیورٹ بننے کا شوق ہوتا ہے اس سے ملک کا نقصان ہوتا ہے۔

(جاری ہے)

شاہد خاقان عباسی نے کہا کہ جو اتحاد ہورہے ہیں اس سے مقامی طور پر الیکشن میں فائدہ ملنے کے امکان کم ہیں، جہاں ایم کیوایم کا ووٹ ہے وہاں ن لیگ کے اتنے ووٹرز نہیں کہ ایم کیوایم کو فائدہ پہنچے گا۔شاہد خاقان عباسی نے کہا کہ ووٹ کو عزت دینے کا مطلب ملک آئین کے مطابق چلے گا، کسی غیرآئینی معاملے کا حصہ بنیں گے تو خرابی پیدا ہوگی، نوازشریف عوام کو بتائیں کہ ان کی سوچ کیا ہے؟جہاں آج ملک کھڑا ہے اس میں جولائی 2017کے فیصلے کا اثر ہے ، جوناانصافی ہوئی اسے درست کرنے کی ضرورت ہے، نااہلیت قانون اور حقائق کی بنیاد پر ہوگی تو اس کا اثر ہوگا، ماضی کی طرح الٹے سیدھے مقدمے بنا کر عدلیہ سے سزائیں دلائی گئیں تو خرابی پیدا ہوگی۔

Facebook Twitter Google + Share on Whatsapp

نوازشریف کو چاہیئے کہ عوام کو بتائیں ان کی سوچ کیا ہے؟

متعلقہ عنوان :

مزید اہم خبریں