میری خواہش تھی کہ گورنر سندھ بنوں، اسحاق ڈارکو بھی کہا تھا، مفتاح اسماعیل

میری ٹانگیں کھینچنے کی کوشش کی گئی، ن لیگ سے استعفیٰ دے چکا، سابق وزیرخزانہ

منگل 5 دسمبر 2023 23:21

میری خواہش تھی کہ گورنر سندھ بنوں، اسحاق ڈارکو بھی کہا تھا، مفتاح اسماعیل

کراچی(اُردو پوائنٹ اخبارتازہ ترین - آن لائن۔ 05 دسمبر2023ء) پاکستان مسلم لیگ (ن)کے ناراض رہنما اور سابق وزیرخزانہ مفتاح اسماعیل نے کہاہے کہ میری خواہش تھی کہ گورنر سندھ بنوں، اسحاق ڈار کو بھی کہا تھا،میری ٹانگیں کھینچنے کی کوشش کی گئی، ن لیگ سے استعفیٰ دے چکا ہوں،پی آئی اے کی نجکاری اس وقت انتہائی ضروری ہے۔ میڈیا سے گفتگو کرتے ہوئے مفتاح اسماعیل نے کہا کہ اسحاق ڈار سے ایک ہی مرتبہ جہاز میں گورنر کیلئے بات ہوئی تھی لیکن اسحاق ڈارکی کارپٹ گھسانے والی بات درست نہیں ہے۔

(جاری ہے)

انہوںنے کہا کہ حکومت سے استدعا ہے کہ نجکاری کے قانون کو آسان کر دیں اگر روزانہ کام بھی کریں تو نجکاری کرنے میں 460 دن لگتے ہیں ،پی آئی اے کو بیچنا ملکی مفاد میں ہے،۔ سالانہ 90 ارب کا نقصان ہوتا ہے۔انہوں نے کہاکہ پیپلزپارٹی میں شمولیت اختیار نہیں کی اس بات کی ٹوئٹ کر کے وضاحت کر چکا ہوں میرا انتخابات لڑنے اور سیاسی جماعت میں شمولیت کا کوئی ارادہ نہیں ہے سیاست سے تھوڑا بریک لینا اس وقت میرے لیے انتہائی ضروری ہے، ن لیگ سے استعفیٰ دے چکا ہوں ن لیگ کا رہنما کبھی بھی نہیں رہا۔