بلوچستان کے انسانی وسائل کی ترقی پر توجہ سے ہی تیز رفتار ترقی ممکن ہے، ڈاکٹرعارف علوی

جمعرات 7 دسمبر 2023 21:43

اسلام آباد/حب (اُردو پوائنٹ اخبارتازہ ترین - آن لائن۔ 07 دسمبر2023ء) صدر مملکت ڈاکٹر عارف علوی سے بلوچستان ریذیڈنشل کالج لورالائی کے تعلیمی دورے پر آئے طلبا کے وفد کی ملاقات کی اس موقع پر صدر مملکت نے طلباء سے گفتگو کرتے ہوئے کہا کہ تیز اور پائیدار ملکی ترقی کیلئے فکری اور تعلیمی ترقی پر توجہ دینا ہوگا قدرتی وسائل سے بھرپور فائدہ اٹھانے کیلئے انسانی وسائل پر سرمایہ کاری کرنا ہوگی بلوچستان کے انسانی وسائل کی ترقی پر توجہ سے ہی تیز رفتار ترقی ممکن ہے طلبا ہنر مندی ، آن لائن اور فاصلاتی تعلیم سے بھی بھرپور استفادہ کریں طلبا انفارمیشن ٹیکنالوجی ، مصنوعی ذہانت کے شعبے پر خصوصی توجہ دیں انفارمیشن ٹیکنالوجی اور مصنوعی ذہانت کا ہر شعبے میں اطلاق بڑھ رہا ہے انفارمیشن ٹیکنالوجی کے شعبے سے پاکستان مختصر مدت میں معاشی ترقی کر سکتا ہے بلوچستان کے طلبا تندہی اور لگن کے ساتھ علم حاصل کریں طلبا نصاب کے علاوہ کتب بینی اور علم کے حصول پر بھی توجہ دیں ماضی میں علم کا حصول مشکل تھا جدید ٹیکنالوجی سے علم تک رسائی بڑھائی ہے بلوچستان قدرتی وسائل کی دولت سے مالا مال ہے ترقی کیلئے اقدامات کیے جا رہے ہیں وفد نے صدر مملکت کو بلوچستان کے تعلیمی شعبے میں کالج کی خدمات کے بارے میں بتایا کالج کے فارغ التحصیل سینکڑوں طلبا طب، انجینئرنگ ، سول سروس ، دفاع ، قانون اور کاروبار سمیت مختلف شعبوں میں نمایاں خدمات انجام دے رہے ہیں صدر مملکت نے بلوچستان میں تعلیم کے فروغ میں کالج کے کردار کو سراہا۔