نوازشریف سے ملاقات ہوئی نہ ارادہ ہے، مفتاح اسماعیل

اگلے چند ماہ تک سیاست میں انٹری کا کوئی ارادہ نہیں ، اسٹیل مل 8 سال سے بند ہے، تنخواہیں آج بھی جا رہی ہیں ، سابق وزیرخزانہ کا انکشاف

جمعہ 8 دسمبر 2023 22:51

نوازشریف سے ملاقات ہوئی نہ ارادہ ہے، مفتاح اسماعیل

اسلام آباد(اُردو پوائنٹ اخبارتازہ ترین - آن لائن۔ 08 دسمبر2023ء) سابق وزیر خزانہ مفتاح اسماعیل نے کہا کہ نواز شریف سے ملاقات ہوئی نہ ارادہ ہے، مسلم لیگ (ن) کے تمام عہدوں سے استعفیٰ دے چکا ہوں۔ الیکٹورل پروسیس اور سیاست سے دور ہوگیا ہوں، معیشت سے متعلق پڑھتا ہوں اور کاروبار کرتا ہوں۔نجی ٹی وی کے پروگرا م میں گفتگو کرتے ہوئے مفتاح اسماعیل کا کہنا تھاکہ کوئی نہیں بتا رہا کہ ملک کے مسائل کیسے حل ہوں گی تمام لیڈرز قابل ہیں، لیکن پلان تو بتانا چاہیے۔

مفتاح اسماعیل کا کہنا تھا کہ ابھی فی الحال لکھنے پڑھنے پر توجہ ہے اور کاروبار کر رہا ہوں، اگلے چند ماہ تک سیاست میں انٹری کا کوئی ارادہ نہیں، الیکشن میں بھی حصہ لینے کا کوئی ارادہ نہیں۔ انہوں نے کہا کہ ملک میں آج گندم سستی ہوگئی، چیزیں بہتر ہورہی ہیں، مشکل وقت گزر گیا، امید ہے کہ بہتری آئے گی، دنیا بھی نہیں چاہتی کہ ہم ڈیفالٹ کریں، دنیا بھر میں گندم اور خام تیل کی قیمتوں میں کمی آئی ہے۔

(جاری ہے)

مفتاح اسماعیل نے یہ بھی کہا کہ حکومت کو کچھ مشکل فیصلے لینے پڑیں گے، ہمیں پالیسیوں کے تسلسل کی ضرورت ہے، اسمگلنگ روکی جائے اور ایکسپورٹ پر توجہ دی جائے۔سابق وزیر خزانہ نے مزید کہا کہ ہر جماعت میں ایسے لوگ ہیں جو نجکاری کے خلاف ہیں، اسٹیل مل 8 سال سے بند ہے، تنخواہیں آج بھی جا رہی ہیں…