ٴ جب شولڈرز والے چاہیں گے الیکشن ہونگے،جے یو آئی الیکشن کے لئے تیار ہے،سینیٹر مولانا فیض محمد

اتوار 10 دسمبر 2023 19:10

ی جیکب آباد (اُردو پوائنٹ اخبارتازہ ترین - آن لائن۔ 10 دسمبر2023ء) جب شولڈرز والے چاہیں گے الیکشن ہونگے،جے یو آئی الیکشن کے لئے تیار ہے،دنیا کی انسان دوست عوام اسرائیل کی مصنوعات کا بائیکاٹ کرے مجبور ہوکر اسرائیل غزہ میں جنگ بندی کریگا۔ ان خیالات کا اظہار جے یو آئی کے رہنما سینیٹر مولانا فیض محمد نے جیکب آباد میں میڈیا سے گفتگو کرتے ہوئے کیا ۔

قبل ازیں انہوں نے جے یوآئی سعودی عرب رہنما حاجی غلام رسول مینگل،حاجی نظیر احمد مینگل،بشیر احمد مینگل اور علی محمد مینگل کی والدہ کی وفات پر تعزیت کی ۔ جے یوآئی کے ضلعی امیر ڈاکٹر اے جی انصاری، مولانا عبداللہ جتک،مولانا عبدالجبار رند،حاجی طارق جان مینگل،فضل الرحمان مہر،خالد حسین چہجن اور دیگر موجود تھے۔

(جاری ہے)

سینیٹر مولانا فیض محمد نے کہا کہ فلسطین میں 20ہزار بچوں،عورتوں اور مردوں کا بمبارمنٹ سے شہید ہونا المیہ ہے۔

اگر امریکہ کھل کر اسرائیل کی اسلح کی مدد کررہا ہے تو مسلمان ممالک کیوں خاموش ہیں،انہو ں نے مزیدکہا کہ پاکستان کی ریاست چاہے تو اسرائیل پسپا ہوسکتا ہے، یواین او کی قراردادیں عراق،افغانستان لیبیا اور کمزور ممالک کے خاتمے اور ویٹو پاور رکھنے والے ممالک کے لیے قائم ہے،انہوں نے کہا کہ آج انسانی حقوق کے دن انسانیت کا قتل ہورہاہے انسان تو آزاد پیدا ہوا ہے لیکن سامراجی قوتوں نے انکو جکڑ رکھا ہے، ملک میں آئین کی بالادستی،شہریوں کی گمشدگی ،ماورائے عدالت قتل عوام کے بنیادی مسائل کے لیے عوام کو کردار ادا کرنا پڑیگا۔