جمشید دستی کی اہلیہ اور بھتیجے ،زرتاج گل اورشوہر کے کاغذات منظور

ہفتہ 6 جنوری 2024 22:13

ملتان (اُردو پوائنٹ اخبارتازہ ترین - این این آئی۔ 06 جنوری2024ء) جمشید دستی کی اہلیہ اور بھتیجے ،زرتاج گل اور شوہر ہمایوں کے کاغذات منظورکرلئے گئے۔ تفصیلات کے مطابق ملتان الیکشن اپلیٹ ٹریبونل میں سابق رکن قومی اسمبلی جمشید دستی کی اہلیہ نازیہ اور بھتیجے صمد دستی کے کاغذات نامزدگی مسترد کرنے کیخلاف دائر اپیلوں پر سماعت ہوئی۔

(جاری ہے)

جمشید دستی کی بیوی نازیہ نے این اے 175 اور این اے 176 میں کاغذات نامزدگی مسترد کرنے کے خلاف اپیلیں دائر کی تھیں جبکہ بھتیجے صمد نے این اے 176 میں کاغذات نامزدگی مسترد کرنے کے خلاف اپیل دائر کر رکھی ہے۔

الیکشن ٹریبونل نے سماعت کے بعد جمشید دستی کی اہلیہ نازیہ دستی اور بھتیجے عبدالصمد دستی کے کاغذات نامزدگی منظور کرلئے۔دوسری جانب پی ٹی آئی رہنما زرتاج گل اور ان کے شوہر ہمایوں کے کاغذات بھی منظور ہوگئے، جس کے بعد دونوں کو الیکشن لڑنے کی اجازت مل گئی۔