اپیلٹ ٹربیونلز نے ہفتہ کو بھی عام انتخابات میں کاغذات نامزدگی کے حوالے سے اعتراضات کی اپیلوں پر سماعت جاری رکھی

ہفتہ 6 جنوری 2024 22:45

لاہور (اُردو پوائنٹ اخبارتازہ ترین - اے پی پی۔ 06 جنوری2024ء) لاہور ہائیکورٹ کے اپیلٹ ٹربیونلز نے ہفتہ کو بھی عام انتخابات میں کاغذات نامزدگی کے حوالے سے اعتراضات کی اپیلوں پر سماعت جاری رکھی ،مختلف نوعیت کی اپیلوں پر کارروائی کی ۔اپیلٹ ٹربیونل نے تحریک انصاف کے سابق ایم پی اے جمشید اقبال چیمہ اور انکی اہلیہ مسرت جمشید چیمہ کے کاغذات نامزدگی مسترد کرنے خلاف اپیل پر ریٹرننگ آفیسر کو ریکارڈ سمیت طلب کر لیا۔

جمشید اقبال چیمہ اور انکی اہلیہ مسرت جمشید چیمہ کی طرف سے وکیل نے عدالت کو بتایا کہ آر او نے مقدمات میں اشتہاری ہونے کا الزام لگایا اشتہاری ہونے کے الزام پر کاغذات نامزدگی مسترد کر دئیے گئے بتائے گئے مقدمات میں امیدواران ضمانت پر ہیں لہذا استدعا ہے کہ ٹربیونل ریٹرننگ آفیسر کا فیصلہ کالعدم قرار دے۔

(جاری ہے)

ایپلٹ ٹربیونل نے لاہورتحریک انصاف کے امیدوار شاہد جاوید کے کاغذات نامزدگی مسترد ہونے کے خلاف اپیل پر ریٹرننگ آفیسر کو ریکارڈ سمیت طلب کر لیا ، دائر اپیل میں موقف اختیار کیا گیا کہ درخواست گزار شاہد جاوید حلقہ پی پی 115 فیصل آباد سے امیدوار ہیں شاہد جاوید کا تحریک انصاف سے تعلق ہے آر او نے اثاثے ظاہر نہ کرنے کے الزام پر کاغذات مسترد کیے امیدوار اپنی گاڑی بیچ چکا ہے خریدار نے ابھی اپنے نام نہیں کروائی لہذا استدعا ہے کہ ٹربیونل ریٹرننگ آفیسر کا فیصلہ کالعدم قرار دے ، اپیلٹ ٹریبونل نے مسلم لیگ ن کے رہنماعابد شیر علی کے کاغذات نامزدگی منظور ہونے کے خلاف اپیل پر ریٹرننگ افسر کو ریکارڈ سمیت طلب کر لیا ان کے خلاف حلقہ کے ووٹر محمد جہانگیر نے کاغذات نامزدگی مسترد کرنے کے لیے درخواست دائر کی ہے اور موقف اختیار کیا ہے کہ عابد شیر علی حلقہ این اے 102 فیصل آباد سے امیدوار ہیں کاغذات نامزدگی کے ساتھ جمع کروایا گیا حلف نامہ جھوٹ پر مبنی ہے حلف نامہ میں تھانہ فیکٹری ایریا میں درج مقدمہ کی تفصیلات چھپائی گئی ہیں عابد شیر علی پر تھانہ فیکٹری ایریا فیصل آباد میں مقدمہ نمبر 1072/22 درج ہے لہذاٹربیونل آر او کے کاغذات نامزدگی منظور کرنے کے فیصلے کو کالعدم قرار دے۔

ایلیٹ ٹربیونل نے پی ٹی آئی کے رہنما محمد زبیر خان نیازی کی اپیل پر دفتری اعتراض ختم کر کے سماعت کے لیے مقرر کرنے کی ہدایت کر دی، عدالت کے روبرو دائر اپیل میں موقف اختیار کیا گیا ہے کہ محمد زبیر خان نیازی پی پی 173 سے امیدوار ہیں اور تحریک انصاف سے ہے رجسٹرار دفتر نے آر او کے فیصلے کی تصدیق شدہ نقل نہ لگانے کا الزام عائد کیا آر او نے فیصلے کی کاپی کی تصدیق کی مگر آر او کے پاس مہر موجود نہیں تھی لہذا استدعا ہے کہ ٹربیونل دفتری اعتراض ختم کر کے اپیل کو سماعت کے لیے منظور کرے۔

ایپلیٹ ٹریبیونل لاہور ہائیکورٹ نے پی پی 80 سرگودھا سے مریم نواز کے کاغذات نامزدگی منظوری کے خلاف اپیل خارج کر دی اورمریم نواز کے کاغذات نامزدگی درست قرار دے دیئے لاہور ہائیکورٹ کے اپیلٹ ٹربیونل جج جسٹس اسجد جاوید گھرال نے مہر طاہر کی اپیل پر سماعت کی۔ مہر طاہر نے مریم نواز کے پی پی 80 سے کاغذات نامزدگی منظوری کے اقدام کو چیلنج کیا تھا ایپلیٹ ٹریبیونل نے آر او کا فیصلہ درست قرار دے دیا ایپلٹ ٹربینل نے پی ٹی ائی کے این اے 106 پی پی 121 کے امیدوار عبدالباسط کے کاغذات مسترد کے خلاف اپیل پر عبدالباسط کو الیکشن لڑنے کی اجازت دے دی عدالت نے ار او کے فیصلے کو کالعدم قرار دے دیا درخواست گزار کے وکیل افتاب باجوہ نے دلائل دیے جسٹس اسجد گرال نے بطور اپیلیٹ ٹریبونل درخواست پر سماعت کی آر او نے دو موٹر سائکل ظاہر نہ کرنے پر کاغذات نامزدگی مسترد کر دیے تھے۔