پاکستان مسلم لیگ (ن)کا قومی اسمبلی کی 3 اور پنجاب اسمبلی کی مزید 16 ٹکٹوں کااعلان

جمعرات 11 جنوری 2024 22:30

اسلام آباد (اُردو پوائنٹ اخبارتازہ ترین - اے پی پی۔ 11 جنوری2024ء) پاکستان مسلم لیگ (ن)نےقو می اسمبلی کی 3 اور پنجاب اسمبلی کی مزید 16 ٹکٹوں کااعلان کر دیا ہے ۔

(جاری ہے)

جمعرات کو مرکزی الیکشن سیل کے چیئرمین محمد اسحاق ڈار کی جانب سے جاری نوٹیفکیشن کے مطابق قومی اسمبلی کی جہلم سے نشستوں این اے 60 پر بلال اظہر کیانی ،این اے 61 پر فرخ الطاف ،جھنگ این اے 109 پر محمد یعقوب شیخ مسلم لیگ (ن) کے امیدوار ہوں گے جبکہ صوبائی اسمبلی کی نشستوں پی پی 22 چکوال پر سردار غلام عباس ،پی پی 46 گوجرانوالہ پر فیصل اکرام ،نارووال پی پی 55پر محمد اکمل سرگالہ، پی پی 127 جھنگ پر راشدہ یعقوب، پی پی 193 پاکپتن فاروق احمد مانیکا، 194 پاکپتن چوہدری جاوید احمد، پی پی 210 خانیوال عطاء الرحمان ، پی پی 216 ملتان ملک انور علی، پی پی 244 بہاولپور پر میاں عبدالمجید، پی پی 269 مظفر گڑھ پر منظور احمد چانڈیا ، پی پی 270 مظفر گڑھ پر امتیاز علیم قریشی، پی پی 280 لیہ پر طاہر رندھاوا، پی پی 281 لیہ پر شکور سہواگ، پی پی 292 ڈیرہ غازی خان پر شیر افگن گورچانی ، پی پی 293 ڈیرہ غازی خان پر شیر علی گورچانی اور پی پی 293 راجن پور پر سردار محمد یوسف دریشک مسلم لیگ (ن ) کے امیدوار ہوں گے۔