عام انتخابات:فیصل آباد کی10 قومی اور21 صوبائی حلقے حساس ترین قرار

فیصل آباد(اُردو پوائنٹ اخبارتازہ ترین - آن لائن۔ 17 جنوری2024ء) الیکشن کمیشن آف پاکستان نے 8فروری کو ہونیوالے عام انتخابات کے موقع پر ضلع فیصل آباد کے 10 قومی اور21صوبائی اسمبلی کے حلقوں میں حساس ترین پولنگ اسٹیشن کی فہرست جاری کر دی، ضلع فیصل آباد میں ووٹرز کی کل تعداد 52 لاکھ 97ہزار 899 ہے، جس میں رجسٹرڈ مرد ووٹرز کی تعداد 27 لاکھ 89 ہزار594جبکہ خواتین ووٹرز کی تعداد 23 لاکھ 92 ہزار 864 ہے،جہاں پر ضلعی پولیس اور ضلعی انتظامیہ کو فول پروف انتظامات کرنے کی سفارش کر دی، جہاں پر پولیس کی بھاری نفری تعینات اور سی سی ٹی وی کیمروں کی تنصیب کی جائے۔

آن لائن کے مطابق ضلعی الیکشن کمشنر کی طرف سے جاری ہونیوالی فہرست میں ضلع بھر کے 10قومی اور 21صوبائی اسمبلی کے حلقوں کیلئے مجموعی طور پر 3687 پولنگ اسٹیشن قائم کئے گئے ہیں جن میں سے 475 پولنگ اسٹیشن کو اے کیٹیگری میں شامل کر کے حساس ترین 1695 کو بی کیٹیگری میں شامل کرتے ہوئے حساس اور 1517 پولنگ اسٹیشنز کو Cکیٹیگری میں شامل کیا گیا ہے۔

(جاری ہے)

حساس ترین قرار دیئے جانیوالے حلقہ این ای95 میں 91 پولنگ اسٹیشنز‘ حلقہ این ای96 میں 14 پولنگ اسٹیشنز‘ حلقہ این ای97 میں 71 پولنگ اسٹیشنز‘ حلقہ این ای98 میں 30 پولنگ اسٹیشن‘ حلقہ این ای99 میں 45 پولنگ اسٹیشن‘ سابق وفاقی وزیر داخلہ رانا ثناء الله خاں کے حلقہ این ای100 میں سب سے زیادہ 95 پولنگ اسٹیشن کو حساس ترین قرار دیا گیا ہے۔

حلقہ این ای101 میں 33 پولنگ اسٹیشن‘ حلقہ این ای102 میں 26 پولنگ اسٹیشن‘ حلقہ این ای103 میں 40پولنگ اسٹیشن اور حلقہ این ای104 میں 30 پولنگ اسٹیشن کو حساس ترین قرار دیا گیا ہے ۔ الیکشن کمیشن آف پاکستان کی طرف سے مذکورہ حلقوں کے پولنگ اسٹیشن میں کسی بھی ناخوشگوار واقعہ سے نمٹنے کیلئے پولیس کی بھاری نفری تعینات کرنے کے ساتھ ساتھ پولنگ اسٹیشن میں سی سی ٹی وی کیمروں کی تنصیب کے اقدامات کئے جائیں۔

پاکستان کے تیسرے بڑے شہر فیصل آباد میں ووٹرز کی کل تعداد 52 لاکھ 97ہزار 899 ہے، فیصل آباد میں رجسٹرڈ مرد ووٹرز کی تعداد 27 لاکھ 89 ہزار594جبکہ خواتین ووٹرز کی تعداد 23 لاکھ 92 ہزار 864 ہے۔فیصل آباد کے قو می اسمبلی کے 10حلقو ں میں سب سے زیادہ ووٹ این اے 98سمندری میں 5لاکھ 79ہزار ہیں ،یہا ں 3لاکھ 12ہزار مرد اور 2لاکھ 67ہزار خواتین ہیں ،سب سے کم ووٹ این اے 99میں ہیں جہاں مجموعی طور پر 4لاکھ 91ہزار 437ووٹر ہیں ،رانا ثناء اللہ کے حلقہ این اے 100میں 5لاکھ 8ہزار ووٹرز ہیں ،جس میں سے 2لاکھ 74 ہزار مرد اور 2لاکھ 33ہزار خواتین ہیں ،این اے 101میں 5لاکھ 35ہزار ،این اے 102میں 5لاکھ 41ہزار ،این اے 103 میں 5لاکھ 44ہزار اور این اے 104میں 5لاکھ 27ہزار ووٹرز ہیں ،این اے 95فیصل آباد میں 5لاکھ 14ہزار ،این اے 96 میں 5لاکھ 62ہزار اوراین اے 97میں 4لاکھ 91ہزار 504ووٹرز ہیں