Live Updates

وعدے کا پابند ہوں، کسی کے ساتھ کھڑا ہوتا ہوں تو پھر ساتھ رہتا ہوں، جہانگیر ترین

ہم زوردار طریقے سے الیکشن لڑیں گے، این اے 149 کے مسائل کو حل کرنا ہے، مہنگائی کو کنٹرول کرنا ان کی اولین ترجیح ہے، گفتگو

اتوار 21 جنوری 2024 20:30

ملتان (اُردو پوائنٹ اخبارتازہ ترین - این این آئی۔ 21 جنوری2024ء) استحکام پاکستان پارٹی کے سربراہ جہانگیر ترین نے کہا ہے کہ وعدے کا پابند ہوں جس کے ساتھ کھڑا ہوتا ہوں پھر ساتھ رہتا ہوں،ہم زوردار طریقے سے الیکشن لڑیں گے، این اے 149 کے مسائل کو حل کرنا ہے، مہنگائی کو کنٹرول کرنا ان کی اولین ترجیح ہے۔

(جاری ہے)

ورکرز کنونشن سے خطاب کرتے ہوئے جہانگیر ترین نے کہا کہ عجیب بات ہے میرا گھر یہاں ہے مجھے کہاں جاتا ہے لایا گیا ہے، دیہی ہو یا شہری سب کے مسائل ایک جیسے ہیں، شیر بھی آگیا اور عقاب بھی آگیا، اللہ بہتری کرے گا۔

انہوں نے کہا کہ میں وعدے کا پابند ہوں، کسی کے ساتھ کھڑا ہوتا ہوں تو پھر ساتھ رہتا ہوں۔انہوںنے کہاکہ میں این اے 150 میں لوگوں کی خدمت کرنے آیا ہوں، اس حلقے میں آنے کا مقصد لوگوں کے مسائل حل کرنا ہے، ایک بزرگ نے کہا گلی ابھی ٹھیک کروا، انہیں کہا کروا دیتا ہوں۔جہانگیر ترین نے کہا کہ کوشش کریں گے ایسے کام کریں جس سے مہنگائی کنٹرول میں آجائے، معیشت ہر چیز کی بنیاد ہے، بڑے بڑے ملکوں کے نام تگڑی معیشت کی وجہ سے ہے۔