جہانیاں کے ایک قومی اور دو صوبائی حلقوں سے مجموعی طور پر 41امیدوار میدان میں

حلقہ این اے 147 کی کل ابادی 816345 جبکہ یہاں کے رجسٹرڈ ووٹرز کی تعداد 498090 ہے

بدھ 7 فروری 2024 21:51

جہانیاں(اُردو پوائنٹ اخبارتازہ ترین - آن لائن۔ 07 فروری2024ء) جہانیاں کے ایک قومی اور دو صوبائی حلقوں سے مجموعی طور پر 41امیدوار میدان میں ہیں حلقہ این اے 147 کی کل ابادی 816345 ہے جبکہ یہاں کے رجسٹرڈ ووٹرز کی تعداد 498090 ہے جس میں 267075 مرد ووٹرز اور 231015خواتین ووٹرز شامل ہیں ۔مسلم لیگ ن کی طرف سے ایک قومی اور دو ذیلی صوبائی حلقوں پر تین حقیقی بھائی افتخار نذیر،عطاالرحمن اور ضیا ء الرحمن مسلم لیگ ن کے امیدوار ہیں۔

جبکہ استحکام پاکستان پارٹی کے صدر عبدالعلیم خان بھی صوبائی حلقہ 209 سے امیدوار ہیں۔ جہانیاں کے قومی حلقہ این اے 147 سے استحکام پاکستان پارٹی کے امیدوار نوابزادہ ایاز خان نیازی،مسلم لیگ ن کے افتخار نذیر،آزاد امیدوار حمایت یافتہ تحریک انصاف میاں نوید جہانیہ،تحریک لبیک کے غلام مصطفی سوترک کے درمیان مقابلہ ہے۔

(جاری ہے)

صوبائی حلقہ 209 سے استحکام پاکستان پارٹی کے صدر عبدالعلیم خان،مسلم لیگ ن کے چوہدری ضیالراحمن،آزاد تحریک انصاف کے حمایت یافتہ ہمایوں خان،صوبائی حلقہ 210سے استحکام پاکستان پارٹی کے چوہدری کرم داد واہلہ،مسلم لیگ ن کے حاجی عطاالرحمن،آزاد امیدوار حمایت یافتہ پی ٹی آئی چوہدری خالد جاوید آرائیں،جماعت اسلامی کے ڈاکٹر عمران فاروق، تحریک لبیک پاکستان کے عالمگیر ترگڑ کے درمیان مقابلہ ہے۔

تمام امیدوار اپنی اپنی کامیابی کے لیے پر امید ہیں انتخابی میدان کا فاتح کون ہوگا اس کا علم تو 8 فروری کو ہی ہوگا۔