ضلع سکھر میں پولنگ کا سامان کی فراہمی اور سیکیورٹی کے انتظامات مکمل

بدھ 7 فروری 2024 22:42

سکھر(اُردو پوائنٹ اخبارتازہ ترین - آن لائن۔ 07 فروری2024ء) الیکشن کمیشن کے عملے نے ضلع سکھر میں عام انتخابات کی تیاریوں کے سلسلے میں پولنگ کا سامان کی فراہمی اور سیکیورٹی کے انتظامات مکمل کرلیے۔

(جاری ہے)

زرائع الیکشن کمیشن کے مطابق ضلع سکھر کے کل 6 حلقوں کے 634 پولنگ اسٹیشنز پر پولنگ کا سامان پہنچا دیا گیا ہے 634 پولنگ اسٹیشنز میں سے 166 پولنگ اسٹیشنز انتہائی حساس، 220 پولنگ اسٹیشنز حساس، 557 پولنگ سٹیشن نارمل ہیں، جہاں سکیورٹی انتظامات کے لیے 5100 پولیس اہلکار اور 500 لیڈی پولیس اہلکار تعینات کیے گئے ہیں، جبکہ رینجرز اور پاک فوج کے جوان بھی موجود رہیں گے۔

ضلع سکھر کے دو قومی اور چار صوبائی حلقوں میں ووٹرز کی کل تعداد 8 لاکھ 33 ہزار 561 ہے۔ این اے 200 پر کل چار لاکھ 57 ہزار 57 ووٹرز اپنا حق رائے دہی استعمال کریں گے جہاں 2 لاکھ 44 ہزار 331 مرد اور 2 لاکھ 12 ہزار 728 خواتین ووٹ کا حق استعمال کریں گی۔این اے 201 پر ووٹرز کی کل تعداد 3 لاکھ 76 ہزار 501 ہے جن میں 2 لاکھ 1 ہزار 736 مرد ووٹرز ہیں جب کہ 1 لاکھ 74 ہزار 767 خواتین ووٹ کا حق استعمال کریں گی۔ کل 8 لاکھ 33 ہزار 561 شہری ووٹ کا حق استعمال کریں گے۔