پشاورہائیکورٹ، شانگلہ کے 2 حلقوں پرانتخابی نتائج کے خلاف کیسز پر آراوزطلب

پیر 12 فروری 2024 18:12

پشاور(اُردو پوائنٹ اخبارتازہ ترین - این این آئی۔ 12 فروری2024ء) پشاور ہائی کورٹ نے شانگلہ کے حلقہ این اے 11 اور پی کے 30 پر انتخابی نتائج کے خلاف کیسز میں دونوں حلقوں کے ریٹرننگ افسران (آر اوز)کو طلب کرلیا ہے۔جسٹس شکیل احمد اور جسٹس ارشد علی نے مقدمے کی سماعت کی، درخواست گزار سید فرین کی جانب سے شاہ فیصل الیاس ایڈووکیٹ عدالت میں پیش ہوئے۔

(جاری ہے)

وکیل نے عدالت کو بتایا کہ این اے 11 شانگلہ پر آر او نے ہماری دوبارہ گنتی کی درخواست مسترد کردی، پی کے 30 کا آر او بھی دوبارہ گنتی کی درخواست وصول نہیں کررہا ہے۔

انہوں نے کہا کہ این اے 11 پر امیر مقام اور پی کے 30 پر عباد اللہ دھاندلی کے ذریعے جیتے ہیں، این اے 11 پر آزاد امیدوار سید فرین اور پی کے 30 پر رحمن کو ہروایا گیا ہے۔بعد ازاں عدالت نے دونوں حلقوں کے آر اوز کو 14 فروری کو ذاتی حیثیت میں طلب کرلیا۔