محکمہ موسمیات کی 17 سے 21 فروری تک کئی شہروں میں بارش و ژالہ باری کی پیشگوئی

فیصل آباد (اُردو پوائنٹ اخبارتازہ ترین - اے پی پی۔ 16 فروری2024ء) محکمہ موسمیات نے17 فروری کی رات سے 21 فروری کے دو ر ان ملک کے بالائی و وسطی علا قوں میں تیز ہواؤں اور گرج چمک کے ساتھ بارش،پہاڑوں پر برفباری جبکہ چند مقامات پر ژالہ باری کی بھی پیشگوئی کی ہے۔ محکمہ موسمیات کے ترجمان کے مطابق مغربی ہواؤں کا سلسلہ 17 فروری کی رات سے ملک کے مغربی علاقوں میں داخل ہوگا اور 18 فروری کو ملک کے بیشتر بالائی اور وسطی علاقوں کو اپنی لپیٹ میں لے گا جس کے باعث17سے 21 فروری کے دوران فیصل آباد، جھنگ، منڈی بہاؤالدین، میانوالی، خوشاب، سرگودھا، گجرات، حافظ آباد، گوجرانوالہ، سیالکوٹ، نارووال، لاہور، قصور، اٹک، جہلم، چکوال،مری، گلیات، اسلام آباد، راولپنڈی میں تیز ہواؤں اور گرج چمک کے ساتھ وقفے وقفے سے درمیانی سے تیز موسلا دھار بارش اور پہاڑوں پر برفباری کا امکان ہے جبکہ چند مقامات پر ژالہ باری کی بھی توقع ہے۔

(جاری ہے)

انہوں نے بتایا کہ گلگت بلتستان میں 17سے21 فروری کے دوران دیامیر، استور، غذر، اسکردو، ہنزہ، گلگت، گانچھے، شگر اور کشمیر کے علاقوں وادی نیلم، مظفر آباد، پونچھ، ہٹیاں، باغ، حویلی، سدھنوتی، کوٹلی، بھمبر، میر پور میں تیز ہواؤں اور گرج چمک کے ساتھ وقفے وقفے سے درمیانی سے تیز موسلا دھار بارش اور پہاڑوں پر برفباری کا امکان ہے جبکہ چند مقامات پر ژالہ باری کی بھی توقع ہے۔

علاوہ ازیں خیبر پختونخواہ کے علاقوں میں 17سے 20 فروری کے دوران چترال، دیر، سوات، ایبٹ آباد، مانسہرہ، ہری پور، کوہستان، شانگلہ، بونیر، کرک، خیبر، پشاور، چارسدہ، نوشہرہ، صوابی،باجوڑ، کرم، وزیرستان، کوہاٹ، بنوں اور ڈیرہ اسماعیل خان میں تیز ہواؤں اور گرج چمک کے ساتھ وقفے وقفے سے درمیانی سے تیز موسلا دھار بارش اور پہاڑوں پر برفباری کا امکان ہے جبکہ اس دوران چند مقامات پر ژالہ باری کی بھی توقع ہے۔

مزید برآں 18 اور 19 فروری کو ملتان، بھکر، کوٹ ادو، لیہ، راجن پور، اورڈیرہ غازی خان میں تیز ہواؤں اور گرج چمک کے ساتھ ہلکی سے درمیانی بارش کا امکان ہے جبکہ اس دوران چند مقامات پر ژالہ باری کی بھی توقع ہے۔انہوں نے بتایا کہ بلوچستان میں 18 فروری کی شام یا رات اور 19 فروری کو کوئٹہ زیارت، چمن، پشین، قلعہ عبداللہ، قلعہ سیف اللہ، ژوب، شیرانی، بارکھان، موسیٰ خیل اور کوہلو میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔اسی طرح سندھ میں 18سے20 فروری کے دوران جنوبی علاقوں میں موسم خشک رہنے کے علاوہ آندھی و تیز ہوائیں چلنے کا امکان ہے۔