خرم شیر زمان کا مرزا اختیار بیگ کو نااہل کرنے کا مطالبہ

آئین کے آرٹیکل 63 ون کے تحت مرزا اختیار بیگ کو نااہل قرار دیا جائے، خرم شیر زمان

اتوار 18 فروری 2024 18:20

اسلام آباد (اُردو پوائنٹ اخبارتازہ ترین - این این آئی۔ 18 فروری2024ء) پاکستان تحریک انصاف کے رہنما خرم شیر زمان نے قومی اسمبلی کے حلقے این اے 241 سے کامیاب ہونے والے امیدوار مرزا اختیار بیگ کو نااہل کرنے کا مطالبہ کردیا۔

(جاری ہے)

اپنے بیان میں خرم شیر زمان نے کہا کہ مرزا اختیار بیگ کو دوہری شہریت کے باوجود الیکشن لڑنے کی اجازت دی گئی، اب وقت آگیا ہے کینیڈین شہریت ترک کرنے کا دستاویزی ثبوت فراہم کیا جائے۔خرم شیر زمان نے کہا کہ مرزا اختیار بیگ کا دعویٰ ہے کہ انہوں نے 2023 میں کینیڈین شہریت ترک کردی تھی۔پی ٹی آئی رہنما نے کہا کہ کینیڈین حکومت کی جانب سے جاری کیا گیا سرٹیفکیٹ کہاں ہی آئین کے آرٹیکل 63 ون کے تحت مرزا اختیار بیگ کو نااہل قرار دیا جائے۔